Tơ’noăng râ ‘na rơ’jíu râ kŭn kong pơlê Dak Lak ai 12 rơ’jíu râ cheăm veăng, tung mê, ai 4 rơ’jíu hiăng châ kâ pro kân a tơ’noăng rơ’jíu râ tơring châ tơkŭm po hdrối mê. Klêi tơ’noăng ăm hlo, tâi tâng mâu ngế ki veăng tơ’noăng dêi 12 rơ’jíu pơrá ‘nâi nhên mâu pơkâ dêi luât ‘na pơtâng tối tơdroăng kal râ cheăm; hiăng rah xo mâu tơdroăng ki xiâm nếo ai, kal khât ƀă cheăm pơlê vâ mơjiâng tơdroăng pêi.

Mơgêi tơ’noăng, Khu tơkŭm po hiăng diâp 17 pri ăm mâu tíu cheăng ki veăng tơ’noăng, a 3 tơdroăng xiâm, mê cho: Pri ăm mơngế tơpui tung rơ’jíu, Pri rah chêh tơdroăng ƀă Pri khu pú hên.