Kơxê hâi lơ 12/11, a pơlê kong kơdrâm Đà Lạt, Khu xiâm ngăn túa lĕm tro, Tơ’noăng ivá ƀă Ôm hyô  ƀă Vi ƀan kong pơlê Lâm Đồng hiăng tơkŭm po hôp tơbleăng mâu tơdroăng kal tơdjâk tơdroăng po Tơ’noăng phim Việt Nam rôh má 23 po sap hâi lơ 21 troh 25/11 la ngiâ. Tơ’noăng phim Việt Nam rôh má 23 ai 177 phim veăng tơ’noăng, cho rôh ki ai hên phim tơ’noăng má môi riân sap ing nah ta troh nôkố.

Tung mê, ai 91 phim châ pơtroh a tơdroăng tơ’noăng, ƀă 56 phim châ rah xo a tơdroăng phim. Pakĭng hâi po lêh pơxiâm, mơgêi tơnoăng ƀă mơhá pro, hneăng tơ’noăng mơđah phim ối pêi hên tơdroăng môi tiah: po mơđah tơmeăm um tơmeăm “Đà Lạt - pơxiâm ăm hlo tơdroăng rơhêng đong pro phim”; mâu rôh hôp tơpui tơpui “‘Na ki xiâm tung mơnhông cheăng ƀă kơmăi kơmok ‘na đŏng phim”; “Mâu tơdroăng ki kal tung mơnhông cheăng ƀă kơmăi kơmok đŏng kim Việt Nam”, tơdroăng trâm mâ pơla mâu nghê̆ sih ki đŏng phim ƀă kuăn pơlê ki ngăn tung kong pơlê Lâm Đồng; mơđah phim a mâu rạp ƀă lăm mơđah ukố umê, mơđah pá gong; lăm hyô ngăn mâu tíu ki lĕm dêi Đà Lạt- Lâm Đồng.