Hâi leh khôi túa lĕm tro mâu hdroâng kuăn ngo tơring Ea Kar hơnăm kố tơkŭm po hên tơdroăng, môi tiah: mơđah tơbleăng hơdruê xuăng tiô khôi vâi krâ nah mâu hdroâng kuăn ngo; tơ’noăng mâu tơdroăng xah hêi tiô khôi vâi krâ nah; mơđah tơbleăng ƀă kâ mâu kơchâi kâ mâu kơpong; châ hlo mâu tíu mơhno khôi túa lĕm tro Tây Bắc, Tây Nguyên ƀă khôi túa lĕm tro mot tơrŭm tung lâp plâi tơnêi; veăng lăm ngăn tíu ai tơmeăm khoăng ton nah xí Drai Y Bar; tơ’noăng vo plong kân ƀă plong Ka Yak; mơđah tơbleăng ƀă tê mâu tơmeăm ki má môi, tơmeăm OCOP dêi kong pơlê.

Rơtế ƀă tôu chêng koăng dêi mơngế Rơđế, prôa tĭnh hơdruê then dêi mơngế Tày – Nùng, tơdrá quan họ Bắc Ninh cho mâu tơdroăng xah hêi tiô khôi vâi krâ nah djâ ki phá krê xêh dêi mâu hdroâng kuăn ngo môi tiah hvât plâi còn, tơchâu pu pái, lày cỏ, xah pŏng yŭt, pâng mâ rup peâp.

Kố cho hơnăm má 3 tơring Ea Kar tơkŭm po Hâi leh khôi túa lĕm tro mâu hdroâng kuăn ngo râ tơring, ôh tá xê to kơchâi kâ, ‘na pơxô̆, mơhnhôk hiâm mơno ăm kuăn pơlê ƀă tơmối mê ối veăng kum mơđah tơbleăng um méa kuăn mơngế, ki lĕm khôi túa lĕm tro ki má môi dêi mâu hdroâng mơngế akố.