Tơdroăng kố châ po tiô tơdroăng ki mơđah tơbleăng a tíu mơđah ƀă tơdroăng ki veăng dêi 16 đô̆i tơ’noăng. Xúa mâu thơ ca, hò vè, hoạt cảnh, pro pơro, mâu đô̆i ki tơ’noăng hiăng hnê mơhno tơdroăng ki hnê tối ‘na tơdroăng ki veăng kơto rơxế a troăng tơniăn, mơjiâng tơdroăng ki rơkê plĕng a troăng prôk tiô inâi Rơpŏng hngêi ai hnoăng cheăng pôu râng tung rak tơniăn a troăng prôk.

Kố cho tơdroăng pêi pro ai pơxúa dêi vâi kơdrâi Dak Lak pêi pro “Khế tơniăn a troăng prôk” hơnăm 2023, tơmiât troh tơbâ 78 hơnăm Kăch măng khế 8 ƀă hâi mơjiâng tơnêi têa lơ 2/9. Ing mê vâ mơdêk ki hlê plĕng, mơdêk hnoăng cheăng hbrâ rơnáu, kơhnâ, tơmiât rơkê dêi vâi kơdrâi veăng rak tơniăn a troăng prôk, tro ƀă mâu tơdroăng pêi pro dêi khu ngăn vâi kơdrâi rêm râ.