Kơxop Hlá mơ-éa vâ chê 500 trang vêh mơhno khôi túa vâi krâ nah, khên tơnôu tơkâ hluâ pá puât, mơnhên tíu cheăng dêi VOV, chêh tối tơdroăng pleăng hnoăng cheăng dêi hên rơxông kăn ƀô̆, ngế chêh hlá tơbeăng, mơngế cheăng kih thuât ƀă mơnhên troăng prôk la ngiâ mơnhông tung chal xúa kŏng ngê̆.

Rơtế hâi mê, Leh diâp Pri Rơkong tơpui Việt Nam – Hơlŏng khế 9 hơnăm 2025 châ tơkŭm po, pơ-ôu pơ-eăng 38 ƀai ối tung 6 tơmeăm hlá tơbeăng ƀă mâu troăng tơmiât pơhlêh kih thuât. Pri mơhnhôk 85 ƀai veăng tơ’noăng, tung mê hlá tơbeăng in, hlá tơbeăng điê̆n tưh ƀă kŏng ngê̆ châ lối 75%. Hô̆i đong Châm điêm hiăng diâp 9 pri Mêa, 11 pri Hâu ƀă 11 pri Hlái.

Mâu tơdroăng hiăng châ mơnhên, ki loi tơngah dêi VOV tung tơdroăng rêh ối hlá tơbeăng – um tơvi, tơdrêng amê mơhnhôk tơdroăng tơmiât pêi rơkê, pơhlêh nếo tung khu mâu ngế chêh hlá tơbeăng.