Leh xối pleăng rơnó rơxăm cho tơdroăng pêi pro vâ mơnê kơ xeăng plêng tơnêi, mơnê kơ mâu kân xeăng tơnêi ƀă mâu jâ pôa pin roh ton tí rôh nah hiăng veăng kơjo kum pro kong mêi tro, tô ‘ló, pơlê tơniăn lĕm, báu prá alâi pêng hnôu pêng hneăm. Rôh leh xua Khu xối pleăng Nam Quan pêi pro tiô tơdroăng xối pleăng, tơmeăm ƀă têk nhang tơbâ kơ mơhúa jâ pôa pin nah.

Mâu kăn ƀă kuăn pơlê xuân tiô tơrêm ngế têk nhang, mơhno hiâm mơno nhoăm pâ, rơkâu pâ kong mêi tro, tô’ló, plâ hơnăm ôh tá ai khía mơhot têa lân lu, tơdroăng rêh ối hơniâp ro, kro mơdrŏng. Tiô jâ Võ Thị Phượng - Ngế pơkuâ tíu ‘măn rak tơmeăm kong pơlê Dak Lak tối tơdroăng pêi pro mê ôh tá xê to vâ pơtối rak vế tơdroăng ki kơnía ton nah, mê ối tơbleăng tơmeăm khoăng tíu ki kal ton nah ƀă mơnhông ôm hyô tuăn loi a kong pơlê.