VOV4.Xơ Đăng - Têng nêng (vâi ối hmâ tối dêi ting ning) cho prôa hmâ rêi dêi mâu hdroâng kuăn ngo a Tây Nguyên. Têng nêng hmâ rêi tung mâu rôh xah hêi ro dêi kuăn pơlê, hâi leh mơdĭng, malối tung mâu rôh xah hơdruê tiâ pro tơhmâ dêi rơpó pơla vâi droh rơtăm. Hâk vâ hmâng idrâp têng nêng, mê pôa Y Djưng Êban, ối a cheăm Čư Suê, tơring Čư̆ Mgar, kong pơlê Dak Lak ôh tá xê to rơkê rêi mê ối rơkê hriăn pro têng nêng vâ hnê ăm rơxông kuăn muăn - cháu chái.

VOV4.Xơ Đăng - Kong pơlê Kon Tim ai lối 609 rơpâu 600 ha  kong, tung mê lối 547 rơpâu 700 ha kong ki chiâng xêh ƀă ki xâp rơngiâp lối 63% ƀăng tơnêi dêi kong pơlê. Rơtế ƀă mơnhông cheăng kâ tung kong kế, ngo ngối, mâu hơnăm a chê pơla kố hên kuăn pơlê hdroâng kuăn ngo, mâu khu pêi cheăng, cheăm, tơring dêi kong pơlê Kon Tum ối tơkŭm rak ngăn, tí tăng mâu tơdroăng ki lĕm tơviah krê ƀă mâu khu kuăn kiâ, nhâ loăng dêi kong kế, ngo ngối bro chiâng kế tơmeăm ôm hyô tơ’mot hên tơmối rơhêng troh ôm hyô rế hía rế hên. Khoa Điềm, ngế chêh hlá tơbeăng cheăng tung Rơ’jiu Việt Nam ai ƀai chêh “Kon Plông rak vế ki lĕm kơnâ dêi kong kế vâ mơnhông ‘na ôm hyô”.

VOV4.Xơ Đăng - Koh hâi tơbâ 78 hơnăm hâi Kăch măng Khế Tơheăm ƀă hâi mơjiâng Tơnêi têa lơ 2/9 hơnăm kố, kơvâ cheăng ƀă mâu kăn kong pơlê, mâu tíu ôm hyô ngăn túa lĕm tro mơnúa kâ kế kâ pơchên tiô chal ton nah dêi mâu kong pơlê kơpong Tây Nguyên dế thâ hbrâ mâu tơdroăng ki kal vâ tơdah tơmối troh ôm hyô a kơpong kố. Tơdroăng ôm hyô ngăn túa lĕm tro ton nah kố ôh ta xê to pơtối châ rak vế khôi túa, vêa vong lĕm tro ton nah hdroâng kuăn ngo mê  ối châ tơ’mot tơ’nôm kơxô̆ liăn rêm rôh kong pơlê tơdah tơmối troh:

VOV4.Xơ Đăng – Tung mâu hâi kố, rơtế ƀă kuăn pơlê dêi rêm kơpong tơnêi têa tơdah Têt tơniăn krê, kuăn pơlê mâu hdroâng kuăn ngo lâp lu pơlê Tây Nguyên pơtối pêng păm tơdroăng pâ troh Pôa Hồ. Mơhé tá hâi môi roh châ trâm, laga tung hiêm mơno kuăn pơlê Tây Nguyên đi đo tâ ai Pôa achê, đi đo séa ngăn rêm tơdroăng pêi, pơlê rŭm môi tuăn, gâk kring tơniăn, mơjiâng ivá ó rơdêi tơ’noăng pâ nhuô̆m tơnêi têa, kuăn pơlê mơnhông pêt mơjiâng tơmeăm, tơniăn tơdroăng rêh ối.

VOV4.XơĐăng - Ƀă dó inâi “Amazing Kon Tum – Kon Tum pro hâk vâ’’, kơxê lơ 30/8, a pơlê kong kơdrâm Kon Tum, Khu pơkuâ ‘na mơhno khôi túa lĕm tro, Tơ’noăng ivá ƀă Ôm hyô kong pơlê Kon Tum mơhnhôk roh tơ’noăng pro video clip Ôm hyô Kon Tum hơnăm 2023.

VOV4. Xơ Đăng - Kong măng lơ 29/8, a Hngei hơdruê Hồ Gươm, Hà Nội, pôa Vương Đình Huệ, Kăn xiâm hnê ngăn Kuŏk hô̆i hiăng veăng ai mâ a Rôh po tơdroăng ngê̆ thuât ki hơniâp ro “Nắng Ba Đình”.

VOV4.XơĐăng - A pơlê kong kơdrâm Ƀuôn Ma Thuột, Kơ koan teăng mâ Rơ’jíu Việt Nam a kơpong Tây Nguyên nếo tơkŭm po roh hôp ‘na Troăng hơlâ rak vế, chôu ‘măn tơdroăng rơngê rơngối dêi Rơđế, Jarai tung hyôh rơ’jíu hdroâng kuăn ngo ki iâ mơngế a VOV Tây Nguyên.

VOV4.Xơ Đăng - Rơngê rơngối cho túa ki hmâ tơkŭm xah hêi tiô tuá vâi krâ nah ki lĕm ro dêi mơngế Rơđế ƀă hên mâu hdroâng kuăn ngo ki ê a Tây Nguyên. Kố cho túa ki xúa mâu nâl tơcho, tơdjếi vâ hơ’muăn tối mâu tơdroăng ki ton, xŏn ‘na mâu tơdroăng rêh kâ ối dêi mâu ngế ki khên tơnôu hiăng mơjiâng chiâng rêm pơlê lơ kơpong tơnêi tíu. Nâl tơpui tơcho, tơdjếi xuân hiăng hlo ai hên tung mâu tơdroăng chêh tối ‘na văn hok ki rơxông hdrối hnê ‘măn ăm rơxông kơ’nâi dêi mơngế Rơđế.

VOV4.Xơ Đăng - Prôa tĭnh cho prôa tiô khôi hmâ roh ton nah, ôh tá chiâng lôi tung tơdroăng rêh ối dêi mơngế Thái Trắng, malối cho tung mâu hâi leh, Têt, hâi ro dêi pơlê pơla... prôa tĭnh ai pơxúa ti mê, tơ’nôm ƀă tơdroăng hâk git vâ ing ối kŭn nah, ngê̆ nhân ưu tú Điêu Chính Lả, ối a cheăm Mường Giàng, tơring Quỳnh Nhai, kong pơlê Sơn La hiăng kơhnâ mơ-eăm tơdế chal tơná pleăng kum ăm tơdroăng hriăn pro prôa, hnê pro, rêi prôa tĭnh ƀă púi vâ pơtối rak vế tơdrá ki hơniâp ro tung hiâm mơno idrâp prôa tĭnh hnê ăm rơxông kơ’nâi troh xo ah hmôi.

VO4.XơĐăng - Tơdroăng pơkâ kố châ tơngah kô bro chiâng môi tơdroăng ki rêh ối tơdjuôm pơxúa ăm kuăn pơlê ƀă tơmối.