VOV4.Xơ Đăng - Rak vế, mơnhông ki kơnâ khôi túa lĕm vâi tro krâ nah mâu hdroâng kuăn ngo ƀă mơnhông ôm hyô cho pơkâ pêi ki pơlê kong kơdrâm Ƀuôn Ma Thuột, kong pơlê Dak Lak pơkâ vâ pêi pro châ tơƀrê hnoăng cheăng dêi hdroâng kuăn ngo ƀă troăng hơlâ tŏng gum hdroâng kuăn ngo tung plâ 5 hơnăm la ngiâ.

VOV4.Xơ Đăng - Ƀă ki a ‘ngêi lối 1.000m pơchông ƀă rơgâ têa kơxĭ, Tíu ‘măn kơmăi mơ’no hyôh rơ’jíu, um tơvi kong pơlê Gia Lai lơ ki hmâ tối cho Tíu mơ’no hyôh rơ’jíu Hàm Rồng a kối ngo Hàm Rồng (cheăm Chư Hdrông, pơlê kong kơdrâm Plei Ku, kong pơlê Gia Lai) cho tíu a ‘ngêi má môi dêi kơphô̆ kong ngo Plei Ku. Tíu kố bú ai 4 ngế cheăng ‘na kih thuât tê rêm hâi gak ngăn rak tơniăn ăm tíu mơ’no hyôh rơ’jíu - um tơvi troh ƀă kuăn pơlê ki hmâng, ngăn.

VOV4.Xơ Đăng - Rơkâu xối ivá cho khôi túa vêa vong, hdró tối hnoăng cheăng ki kal kân tung rơxông rêh ối dêi rêm ngế vâi kơnốu Rơđế. Tuá rơkâu xối kố xuân vâ mơhno tối hiâm mơno ki loi nguê̆n, mơjo pâ nôu pâ, tơdroăng ki mơjo pâ dêi kuăn cháu, mơngế tung rơpŏng hngêi ƀă mâu vâi krâ.

VOV4.Xơ Đăng - Ƀă vâi kơdrâi Dao Thanh Phán ối a cheăm Yên Than, tơring Tiên Yên, kong pơlê Quảng Ninh, drêng tơdroăng cheăng pêi chiâk hiăng chía tơvâ hên, mê trum ƀă prế chêp rơneăm cho pú ki rơtế ƀă. Mâu um rơneăm tiô túa ton châ châ hriăn pro chêp ing kơpeăng kong rơkê ƀeăn dêi vâi droh Dao Thanh Phán.

VOV4.Xơ Đăng - Hâi lơ 18/6, Khu pơkuâ vâi kơdrâi tuăn ngôa rơkê kong pơlê Dak Lak tơkŭm po hôp tơpui tơno “Hnoăng dêi vâi kơdrâi tuăn ngôa rơkê tung rak ƀă mơnhông khôi túa lĕm tro hdroâng kuăn ngo tung mơjiâng kong pơlê Dak Lak kro mơdrŏng, rơkê, pêng păm khôi túa lĕm’’.

VOV4.Xơ Đăng - Mơngế Bơhnéa, túa pro nhŏng o cha ngăn cho kơxái vâ tơdjêp tơkoh nhŏng o, ing mâu ngế tơmối chiâng ngế ki hmâ achê, ƀă pâ nhoăm, veăng kum dêi rơpó tung rêh ối... Mơdĭng pro nhŏng o châ râk vế, pêi pro tiô tơná pin vâ, ai pơxúa hlối lĕm tro, hiâm mơno púi vâ rêm ngế châ rêh ối lĕm ro, achê, tơrŭm rơpó, ‘nâi tơveăng gum dêi rơpó drêng trâm pá puât, hliăng tiâ.

VOV4.Xơ Đăng - A khế 3 khế 4 rêm hơnăm, drêng rơnó tô mơdrăng Tây Nguyên pơxiâm troh rơnó ki tô ó, kuăn pơlê mâu hdroâng kuăn ngo a Tây Nguyên tơkŭm po mơdĭng rơkâu kong mêi. Kố cho tơdroăng pro mơdĭng ki pơxúa rơkâu kong mêi tro tô ‘ló, báu prá alâi xông drêh, pơlê phâi tơtô.

VOV4.Xơ Đăng - Kuăn pơlê pói vâ kơvâ khôi túa lĕm tro kô pro tơ’lêi hlâu, troăng kum vâ mơnhông khôi túa lĕm hdroâng kuăn ngo, mơnhông ôm hyô mơdêk tơdroăng rêh ối ăm kuăn pơlê.

VOV4.Xơ Đăng - Kơxê măng lơ 3/6, a pơlê kong kơdrâm Ƀuôn Ma Thuột, Dak Lak po tơdroăng trâm mâ pơkâ mơdêk ôm hyô pơla kong pơlê Dak Lak ƀă kong pơlê kân Kerla (Ấn Độ).

VOV4.Xơ Đăng - Sap ing ton tí nah, mơngế Bơhnéa ôh tá ai túa tơlá chiâ klôh têa vâ ôu kâ hum roh. Lâp pơlê xuân ôh tá hmôu pơ hnêng têa a têa kroăng, têa krông, têa long vâ ôu kâ, vâi hmâ tăng têa mŏng ki lo ing trŭm, thông ngo vâ kâng pro tíu hdoăng têa, klêi mê kleăng kơneăng ăm tâi tâng tung pơlê veăng hnêng ôu hum. Rêm hơnăm, mâu pơlê hdroâng Bơhnéa xuân tơkŭm po mơdĭng kleăng kơneăng têa, cho môi tơdroăng pro mơdĭng ôh tá xê to vâ mơhno tối to ‘na tuăn loi mê ối vâ hnê pơchân ăm rêm ngế ‘nâi rak krúa lĕm hyôh kong prâi, rak vế kơnhŏng têa, cho vâ rak vế ivá ăm tơná kuăn pơlê pin.