VOV4.Xơ Đăng Pôa Rơčom Ña, hdroâng Jarai ối a pơlê Mrông Yô̆, cheăm Ia Ka, tơring Čư Pah, kong pơlê Gia Lai. Pôa châ kuăn pơlê tối cho ngế ki rơkê hên tơdroăng, xua pôa ti xê to rơkê rơngê ting ting, tŏn chêng koăng, mơjiâng bro hên prôa, têng nêng, mê ối rơkê rơngê rơngối. Maluâ ti mê, drêng hlo tơdroăng rơngê rơngối rế hiá vâ rế hía, pôa Rơčom Ña tô tuăn ó khât.

VOV4.Xơ Đăng - Hâi lơ 18/9, a pơlê kân Đăk Tô, tơring Đăk Tô, Khu pơkuâ ngăn Đoân Kon Tum tơkŭm po Hâi khu droh rơtăm ƀă túa lĕm tro troăng prôk pêi pro tơdroăng cheăng Khế tơniăn troăng prôk hơnăm 2023.

VOV4.Xơ Đăng - A pơlê kong kơdrâm Ƀuôn Ma Thuột, kong pơlê Dak Lak, Khu chêh in hlá mơ-éa Kim Đồng tơrŭm cheăng ƀă Hô̆i Văn học Nghệ thuật Dak Lak tơkŭm trâm mâ mâu ngế chêh ƀai ‘na vâi hdrêng, mơhnhôk chêh tơbiât kâ pri ki kân ăm vâi ƀai chêh tro ‘ló ‘na vâi hdrêng tung hơnăm 2023.

VOV4.Xơ Đăng - Ƀă mâu hdroâng kuăn ngo a Tây Nguyên, rui cho kuăn kiâ ki châ ngăn môi tiah mơngế tung rơpŏng hngêi dêi pơlê pơla. Mơngế Tây Nguyên tối tiah kố, rui cho tơmeăm dêi tơdroăng ki kro mơdrŏng, ai hên kế tơmeăm. Hlo ai tơdroăng ki păng ‘nâng dêi khu rui rế hía rế ối iâ, Vi ƀan hnê ngăn kong pơlê Dak Lak hiăng kĭ tơkêa bro tŏng kum ‘na kih thuât tung hơ’lêh túa ôm hyô, ôh tá ăm kơto rui xếo, bú xúa rui vâ bro rơnuâ, hnối ăm khu rui mơđah xo.

VOV4.Xơ Đăng - Kơxo lơ 14/9, Khu tơrŭm nhŏng o Việt Nam – Nhuk kong pơlê Dak Lak tơkŭm po tơdroăng trâm mâ mơhno khôi túa lĕm tro Việt Nam – Nhuk kong pơlê Dak Lak hơnăm 2023.

VOV4.Xơ Đăng - Tiô rơkong krếo thế dêi Hngêi trung Đăi hok Jeonju Kijoen – Hàn Quốc, hâi kố, lơ 13/9, Khu pơkuâ ‘na Khôi túa lĕm tro Tơ’noăng ivá ƀă Ôm hyô Gia Lai tơkŭm po ăm khu 14 ngế ngê̆ nhân dêi Pơlê kong kơdrâm Plei Ku ƀă tơring Ia Grai, lăm a Hàn Quốc mơđah tơbleăng Leh hô̆i Sori lâp plâi tơnêi Chơn-ju 2023.

VOV4.Xơ Đăng - Kơmăng hâi lơ 10/9, Khu xiâm ngăn túa lĕm tro - Ivá ƀă Ôm hyô tơrŭm ƀă Vi ƀan kong pơlê Bình Định tơkŭm po mơgêi hâi leh mơhnho Túa lĕm tro mâu hdroâng kuăn ngo kơpong Tơdế tơnêi  têa.

VOV4.Xơ Đăng – Pôa Y Djuan Mjiao (hmâ khê̆n cho pôa Lot) 65 hơnăm, ối a ƀuôn M’Ngoan, cheăm Ea Hồ, tơring Krông Năng, kong pơlê Dak Lak, cho môi ngế ki rơkê hên tơdroăng. Ôh ti xê to rơkê tŏn tơdrá ƀai chêng, ‘nâi hriăn pro ƀă hlŭm mâu rơpŏng môi tiah tak-tar, đing năm, đing buôt...mê ối ‘nâi hơdruê kưt, eiri, hâk vâ túa tơlá ƀă ôh tá la lâi pơtê hriâm hnê tơdroăng ki tơná hâk vâ hnê aqm rêm rơxông tung pơlê.

VOV4.Xơ Đăng - VOV Tây Nguyên hiăng châ 30 hơnăm mơjiâng ƀă mơnhông tơƀrê, tơplôu tơbleăng, tơpui pơchuât, mơ’no nâl kuăn ngo xuân hiăng châ 30 hơnăm tơbâ hên tơdroăng. Ing tơdroăng tơpui nâl Rơđế ki apoăng châ mơ’no a hơnăm 1993, mê troh nôkố, VOV Tây Nguyên hiăng tơkŭm tơplôu tơbleăng, tơpui pơchuât,  mơ’no 6 nâl kuăn ngo: Rơđế, Jarai, Bơhnéa, Rơteăng, K’Ho, M’Nông. Tung 30 hơnăm mê, ‘nâi to lâi tơdroăng ối chôu vế, vêh tơbâ ƀă mâu khu ngế ki tơpui nâl kuăn ngo a Tây Nguyên.

VOV4.Xơ Đăng - Ing idrâp chuât xơtó pơla idrâp dêi chêng, khiê̆n plôi ƀă idrâp hơkâ, túa kơhnhon xuăng Arya tiô túa vâi krâ roh ton nah, túa kơhnhon xuăng ki rơmuăn, mơhno tối ‘na tơdroăng rêh ối, pêi cheăng tung kuăn pơlê dêi hdroâng kuăn ngo Chu Ru ton nah, châ vêh tơbâ nếo pơla kong kân Tây Nguyên krip tơdrŏm. Ôh tá xê to troh nôkố mê hiăng hên hơnăm tơdrá hơdruê, rơngê ting ting, túa kơhnhon xuăng, chêng hơkâ ki mê hiăng pôa Touneh Ma Bio, ối a thôn Diom A, cheăm Lạc Xuân, tơring Đơn Dương, kong pơlê Lâm Đồng xuân rak vế, chôu ‘măn troh nôkố. Pó vâi krâ nhŏng o ƀă pú hmâ kô tơmâng.