Vâ chê 10 hơnăm vêh ngi hdrối nah kơpong cheăm Ia Đal, tơring Ia H’Drai, kong pơlê Kon Tum cho môi kơpong ki ôh tá ai kuăn pơlê. Kố cho kơpong tíu tơkăng kong kơtăn hơngế ing tíu xiâm tơring, kong prâi tơnêi tíu ôh tá tơniăn, troăng prôk pá puât. Akố, tiô troăng hơlâ pơkâ dêi Khu xiâm pơkuâ ngăn lêng [ă khu kăn pơkuâ kong pơlê Kon Tum kô mơjiâng pro môi ko\ng ti khu lêng rế pêi cheăng kâ, rế pêi dêi hnoăng cheăng kring vế pơlê pơla.

Tíu kuăn pơlê ối cho tung Ko\ng ki 716, Binh đoân 15, Khu xiâm pơkuâ ngăn lêng kring gak tơkăng kong Ia H’Drai

 Ing mê, Ko\ng ti 716 ối tung {inh đoân 15 pơxiâm ai mâ. 12 khu ki pêi cheăng dêi ko\ng ti châ mơjiâng [ă mê xuân cho mâu tíu kuăn pơlê rêh ối drô troăng tíu tơkăng kong. Rơpo\ng ngoh Quách Công Quản, ko\ng nhân 6, Ko\ng ti 716 cho môi tung mâu rơpo\ng ki apoăng rêh ối a kơpong tíu nếo kố. Pak^ng pêi lo liăn tơniăn lối 6 rơtuh môi khế, rơpo\ng ngoh xuân hmiân tuăn drêng kuăn ‘ne\ng châ hriâm tâp tơniăn [ă mâu hngêi trung ki ai tu\m kế tơmeăm:

‘’Sap ing ngin mot ối akố xuân hiăng châ 7 hơnăm, tơdroăng cheăng tuăn hiâm tơmiât xuân tơniăn. Mot pro ko\ng nhân mê mơnhên pêi ton xo\n, tơru\m [ă tíu cheăng, châ mâu vâi ngoh râ kơpêng hnê mơhno, mê lăm pro ko\ng nhân tơru\m [ă cheăng kâ mê tơdroăng rêh ối xuân hiăng chía tơniăn’’.

Tơdroăng ki mơjiâng kơpong, mâu tíu kuăn pơlê rêh ối châ Ko\ng ti 716 tơru\m [ă khu kăn pơkuâ kong pơlê Kon Tum [ă tơring Ia H’Drai pơkâ kơtăng sap ing apoăng.

Mâu khu pêi chiâk rơtế [ă mâu pơlê ối môi tiah mâu trăng tâp hdró rêh a tíu tơkăng kong Peăng kơnho\ng Tây Nguyên

Tíu ki lâi ai ko\ng ti, ai nông trường, tíu mê ai kơpong kuăn pơlê rêh ối, ai hngêi pơkeăng, hngêi mơhno túa le\m tro, hnê hriâm mơnhông mơdêk tơdâng tơ’mô. Thie#u tă Nguyễn Đình Thanh, kăn pơkuâ Ko\ng ti 716, {inh đoân 15 ăm ‘nâi, tíu cheăng hiăng hbrâ tí tăng ‘nâi ple\ng ăm Đảng ủy cheăm Ia Đal tá mâu khu ki veăng mơjiâng a pơlê, cheăm.

Ko\ng nhân a mâu tíu pêi cheăng đông lêng drô tíu tơkăng kong dêi {inh đoân 15 hiăng ai tơdroăng rêh ối tơniăn, cheăng kâ rế hlo tơ-[rê

Nôkố, lâp cheăm Ia Đal ai 11 thôn mê 5 ngế kăn pơkuâ thôn cho kăn [o# khu cheăng kâ dêi Ko\ng ti 716:

‘’Drêng mơjiâng mâu kơpong kuăn pơlê rêh ối mê ngin mơnhên kô tơniăn ăm tâi tơdroăng rêh ối ăm kăn [o# ko\ng nhân viên [ă mâu ngế pêi cheăng dêi tíu kuăn pơlê rêh ối. Tơdrêng amê hnối rơtế [ă cheăm tơku\m mơnhông mơdêk cheăng kâ rêh ối pơlê pơla tung cheăm, tíu pêi cheăng, hnối rak vế gâk kring pơlê pơla tung cheăm.

Tâi tâng mâu kơpong kuăn pơlê rêh ối dêi ngin pơrá ối drô troăng tơkăng kong, chiâng vâ tối nhên mâu tíu kuăn pơlê rêh ối ngin cho khu ngế ki vâ rak vế tơnêi têa krá tơniăn’’.

{ă Túa tơmiât ‘’Pêi cheăng kâ troh dâng lâi, tơ’mot mâu ngế pêi cheăng [ă mơjiâng kơpong kuăn pơlê rêh ối troh dâng mê’’, Ko\ng ti 716 {inh đoân 15 hiăng tối tơbleăng mâu tơdroăng ki pêi ahdrối [ă ki ton xo\n. Tíu cheăng hiăng pơkâ tơniăn mâu kơpong ki pêi cheăng kâ, kơpong kuăn pơlê rêh ối, tơdroăng ki rêh ối ăm kuăn pơlê akố [ă mâu kuăn pơlê ki troh ing tíu ê châ mot ối akố.

Ko\ng ti 171, Binh đoân 15, Khu xiâm pơkuâ ngăn lêng kring gak tơkăng kong

Pôa Ngụy Đình Phúc, kăn hnê ngăn Vi [an cheăm Ia Đal, tơring Ia H’Drai, kong pơlê Kon Tum ăm ‘nâi, Ko\ng ti 716, {inh đoan 15 hiăng veăng kum kal khât mơnhông mơdêk mâu kơpong cheăng kâ xiâm tung kơpong tíu tơkăng kong, mơjiâng kơpong tơkăng kong krá tơniăn, ó rơdêi tâi tâng:

‘’Ia Đal cho cheăm ki xiâm ‘na kring vế pơlê pơla. Rêm kơpong kuăn pơlê rêh ối châ mơjiâng môi tiah môi troăng ki tơdjâk, krá tơniăn pơla khu lêng [ă kuăn pơlê. Malối cho [ă khu lêng dêi ko\ng ti ai tíu cheăng 716, {inh đoan 15 [ă cheăm Ia Đal, tung hnoăng cheăng mơjiâng cheăng kâ kring vế pơlê pơla mê mâu kơpong kuăn pơlê rêh ối a tíu kố môi tiah môi tơneăn tâp hdró ki krá. Rêm ngế ko\ng nhân, mâu ngế pêi cheăng môi tiah môi túa rêh ối a tíu tơkăng kong, veăng tung tơdroăng kring vế pơlê pơla, tơniăn a kơpong tíu tơkăng kong’’.

Rơtế [ă cheăm Ia Đal, tơdroăng ki veăng mơjiâng kơpong hbrâ rơnáu hiăng châ {inh đoân 15 tơtro\ng ngăn khât a tâi tâng 42 to cheăm ối tung tơring tơkăng kong dêi péa kong pơlê Gia Lai [ă Kon Tum ki {inh đoân dế pêi dêi hnoăng cheăng.

Binh đoân 15 hiăng mơjiâng môi kơpong tơkăng kong rơdêi tu\m tơdroăng a Peăng kơnho\ng Tây Nguyên

Ing mê, {inh đoan hiăng pêi klêi tơdroăng cheăng dêi ‘’Khu lêng pêi dêi hnoăng cheăng, khu lêng pêi cheăng kâ’’, tối nhên châ tơ-[rê dêi môi tíu cheăng kâ, kring vế pơlê pơla cheăm bêng tung cheăm la ngiâ Tây Nguyên.

Tơdroăng kố pro ai pơxúa tung tơdroăng cheăng la ngiâ tung pêi pro troăng hơlâ dêi Đảng [ă Tơnêi têa tung tơdroăng ki xing xoăng hnoăng cheăng, xing xoăng tíu rêh ối cheăng kâ ăm kuăn pơlê a troăng tơkăng kong.

Binh đoân 15, Khu xiâm pơkuâ ngăn lêng, cho đông lêng ki pêi cheăng kâ kân má môi a kơpong Tây Nguyên, [ă tâi tâng tơnêi pêi chiâk hiăng pêi, hiăng châ xo tơmeăm pêi lo lối 40 rơpâu ha. {ă hnoăng veăng pêi dêi mâu khu mơdró dêi mâu lêng, mâu kơpong tíu tơkăng kong peăng Kơnho\ng Tây Nguyên, hiăng mơ-eăm xông tơtêk, tơdroăng rêh ối dêi kuăn pơlê mâu hdroâng kuăn ngo tíu kố rế ton rế tơniăn; cheăng kâ-rêh ối kơpong tíu tơkăng kong hơ’lêh nhên.

Khu lêng hiăng ăm hlo hnoăng cheăng dêi tơná tung mơjiâng kơpong hbrâ rơnáu a mâu tơring cheăm a Binh đoân pêi hnoăng cheăng ‘na cheăng kâ - kring vế tơkăng kong. Ngế chêh hlá tơbeăng ai tơpui tơno [ă Đăi tă Lê Xuân phương, Kăn pho\ pơkuâ ngăn {inh đoân 15 ‘na hnoăng cheăng Binh đoân tung hbrâ rơnáu đông lêng kong pơlê.

Binh đoân 15 hiăng hnê mơhno nhên khât tơdroăng dêi Tíu xiâm tung tơdroăng veăng mơjiâng kơpong hbrâ rơnáu a mâu kong pơlê môi tiah lâi, ô pôa?

Đăi tă Lê Xuân Phương: Binh đoân 15 mơjiâng [ă hiăng pro klêi a hơnăm 1985, kơ’nâi péa hơnăm mê Khu xiâm kal kí ai pơkâ kơxo# 02 ‘na mơjiâng mâu kong pơlê, pơlê kong kơdrâm tung kơpong ‘na hbrâ rơnáu, kring ngăn kơtăng. Kơ’nâi hên hơnăm pêi pro mê ai veăng dêi khu xiâm kal kí, pin mơjiâng mâu tơdroăng pơkâ hbrâ rơnáu mâu tơdroăng cheăng pêi, kring vế tro tiô tơdroăng pơkâ dêi kơxo# 02. Troh Hneăng hôp kân Đảng hneăng má 10 mơdêk pơkâ 02 chiâng pơkâ 28, pơtối mơjiâng mâu pơlê kong kơdrâm hbrâ rơnáu, pêi tro hnoăng cheăng mâu kăn Đảng lêng xiâm pơcháu, Khu xiâm pơkuâ ngăn lêng hnê mơhno, mê {inh đoân 15 ngin hiăng tơbleăng tơdrêng hên troăng hơlâ ing tơdroăng pêi hnoăng cheăng pơcháu mê cho tíu pêi cheăng kâ lêng tơkăng kong ki kring vế dêi mâu kong pơlê Gia Lai, Kon Tum [ă Quảng Bình.

Tung tơdroăng veăng mơjiâng hngêi trăng tơmeăm khoăng kơpong hbrâ rơnáu a mâu tơring tơdroăng ki tơru\m châ pêi pro môi tiah lâi ô pôa?

Đăi tă Lê Xuân Phương: Tíu pơtê chêang dêi {inh đoân péa kong pơlê Gia Lai [ă Kon Tum xo\n gá lối 270 km drô tíu tơkăng kong. Ngin hiăng tơru\m tro khât [ă mâu lêng dêi kong pơlê, mâu lêng tơkăng kong [ă pơtối rak vế hnoăng cheăng tí tăng ‘nâi ple\ng vâ ăm khu râ kăn Đảng, mâu kăn mơjiâng tơdâng tơ’mô 4 tơdroăng cheăng tung kơpong ki hbrâ.

Malối cho ‘na cheăng kâ rơtế [ă kring vế drô troăng tơkăng kong. Ngin hiăng tơku\m djâ hên mâu ko\ng nhân mơjiâng mâu rơpo\ng ko\ng nhân rơtế [ă mâu kơpong pơlê cheăm ki rêh ối drô troăng tơkăng kong, rơtế [ă hbrâ rơnáu tu\m tơdroăng. Mâu kơpong hbrâ rơnáu dêi cheăm, tơring dêi kong pơlê Gia Lai, Kon Tum châ ‘mâi mơnhông krá tơniăn ing mâu cheăm ing tơdroăng mơhno x^ng xoăng dêi mâu ko\ng ti, mâu khu pêi cheăng, mơjiâng mâu pơlê cheăm ki vâ tơplâ.

Kuăn pơlê hiăng châ Binh đoân tơmâng khât tung mơjiâng tơmeăm khoăng môi tiah lâi ô pôa?

Đăi tă Lê Xuân Phương: Tung pơla pêi hnoăng cheăng ngin hiăng mơ-eăm pơkâ mơnhên ‘na mơjiâng tu\m tơdroăng [ă kuăn pơlê. Xua ki xiâm dêi tơdroăng cho tơdroăng tơplâ tung kuăn pơlê mê cho tơdroăng hbrâ pêi pro tro tuăn kuăn pơlê. Mâu kơpong pêi chiâk rơtế [ă thôn pơlê, malối pơkâ nhên khât troăng hơlâ dêi {inh đoân sap ing pơxiâm mơjiâng, mê cho: Binh đoân rơtế [ă kong pơlê, tơring, ko\ng ti rơtế [ă tơring, cheăm, khu pêi chiâk rơtế [ă thôn pơlê.

{ă klêi mê, ngin mơdêk pêi cheăng túa ki nếo mê cho rơpo\ng mơngế Xuăn rơtế [ă kuăn ngo. Xua mê, ing tơdroăng pơkâ [ă mơngế ngin mơjiâng [ă xo khu pêi chiâk rơdế [ă mâu thôn pơlê mơjiâng mâu khu pơlê cheăng tơplâ, rơtế [ă kơpong hbrâ rơnáu chiâng tíu ki krá rơdêi a troăng tơkăng kong.

Chiâng ai tiah mê, {inh đoân 15 ngin bú ‘no môi iâ tê tung tơdroăng veăng [ă mâu kong pơlê tơring, cheăm vâ mơjiâng kơpong hbrâ rơnáu. Tơdroăng tơru\m pơla mâu lêng gak tíu tơkăng kong, mâu lêng ki pro đông a troăng tơkăng kong tung hnoăng cheăng pro xiâm vâ pin châ tơtế tơru\m pêi pro [ă hnoăng cheăng tí tăng ‘nâi ple\ng ăm khu râ Đảng, mâu kăn tơring cheăm pêi tro hnoăng cheăng pơcháu tiô pơkâ 28 dêi Khu xiâm Kal kí môi tiah tung hlá mơ-éa tơbleăng hâi hôp mơgêi dêi mâu Khu kăn Đảng lêng xiâm, Khu xiâm pơkuâ ngăn lêng gâk tơkăng kong hâi lơ 19 khế 3 hơnăm 2019, tung hâi hôp mơgêi hiăng tối nhên.

Mơmê kơ pôa!

Gương prếi Kataringa Nga tơplôu [ă tơbleăng