VOV4.Sêdang - Pin dế tơkâ luâ môi hơnăm 2020 [ă hên tơdroăng xơpá xua mâu tơdroăng ki tơdjâk sap ing pơreăng Covid-19 [ă kong mê khía mơhot têa kân lân lu. Drêng tơdroăng rêh ối ai hên tơdroăng ki bâ eăng ing tơdroăng ki mơhno\ng pleăng ivá tơmeăm khoăng hiăng pro bâ eăng kum ăm pơlê pơla hlo. {ă mâu khu ki mơhno\ng pleăng dêi ivá ki kơhnâ mê cho mâu rơxông hơnăm ối nếo.

{ă ivá ối nếo [ă kơhnâ plâi nuih, vâi hiăng pro bâ eăng ‘na tơdroăng pâ nhuo#m [ă pro ai pơxúa tơdroăng ki loi tơngah a mâu tơdroăng ki tơniăn le\m tung rêh ối. Drêng apoăng mot rơnkó Hơngui nếo kố, Nam Trang, ngế chêh hlá tơbeăng, cheăng tung Rơ’jiu Việt Nam a Tây Nguyên hiăng trâm mâu ngế ki djâ troăng ahdrối hơnăm ối nếo tung tơdroăng ki mơhno\ng pleăng tơdroăng cheăng xua pơlê pơla a Dak Lak, vâ hmâng vâi tối ‘na tơdroăng ki diâp ăm tơdroăng pâ nhuo#m châ xo tơdroăng ki hơniâp ro.

Đi đo A hâi t^ng tung RÊM măng t^ng, Y Việt Niê, kot mâ hơnăm 1987, nôkố dế pêi cheăng a Hngêi pơkeăng kân tơring Krông Năng pơtối pơto tơmeăm ki xúa rêm hâi lăm kum mâu ngế ki ai tơdroăng rêh ối pá puât. Tâng tối alâi ai ngế kal to\ng kum mê Y Việt pơtối pâ ‘nâi tíu ối klêi mê troh amê ti tăng ple\ng tơdroăng rêh ối [a\ tơdroăng kal vâ dêi vâi vâ teăm tơdrêng to\ng kum.

Y Việt tối ăm ‘nâi vâ ai kơxo# liăn to\ng kum rêm ngế, rêm khế ngoh hiăng xo 1,5 rơtuh liăn tung kơxo# liăn kơd^ng ing liăn khế iâ êt dêi tơná [a\ krếo tơ’nôm tơdroăng to\ng kum dêi pơlê pơla. Kơnôm mê, tung to lâi hơnăm hiăng hluâ ngoh hiăng kum hên ngế ai phái kâ drêng kơklêa, ai hmân ếo tơtô drêng hngíu, ai rơxế prôk lăm drêng tro chó chêng tơvê ko\ng [a\ hên vâi hdrêng ai kơxop mơ-éa hriâm mơ-éa chêh, hmân ếo nếo troh hngêi trung…

Y Việt Niê diâp rơxế krốu ăm vâi hdrêng chó chêng

Y Việt tối, hiâm mơno tuăn pâ ki ngoh diâp ăm cho tơmeăm ki má môi pro kro mơdro\ng ăm mơngế ki tơdah laga ôh tá pro kơtiê ăm mơngế ki hiăng ăm.

‘’Á hlo tơdroăng rêh ối pá puât tâng á ai ivá kâi kum mê á tâ phiu ro, á hơniâp ro. Á ai hên mê á kum hên, ai iâ mê kum iâ. Gá ing plâi nuih á tê’’.

Lối 5 hơnăm hnê hriâm a hngêi trung râ má pái Ngô Mây, cheăm Ea Mroh, tơring }ư Mgar, thái Mai Văn Chuyền ple\ng mâu tơdroăng pá puât ôh tá tu\m tơmeăm khoăng dêi mâu vâi o hok tro a kơpong hơngế hơngo. {a\ pói vâ tâp ki kơtăn pơla tíu hnê hriâm a mâu pơlê kong kơdrâm [a\ kơpong thôn pơlê, kơpong hơngế hơngo, khế 8 hơnăm 2019, thái Mai Văn Chuyền hiăng mơjiâng kâu lăk [o# ‘’Xua khu vâi o hâk pâ’’ vâ hnê hriâm tơ’nôm chôu pa kong tê kơtê ăm mâu vâi o hok tro, kum mâu vâi o châ ple\ng hên tơdroăng klêi kơ’nâi mâu chôu hriâm a hngêi trung.

Klêi kơ’nâi 1 hơnăm pêi cheăng, Kâu lăk [o# hiăng tơku\m po châ 8 ‘’Lâm hriâm tuăn pâ’’ a mâu roh kơmăng a 2 cheăm Ea H’Đing [a\ Ea M’Droh.

Thái Mai Văn Chuyển (xâp ếo đoân) hnê hriâm tơ’nôm tê kơtê ăm mâu roh kơmăng ăm hok tro

Veăng lâm hriâm, ai vâ chê 300 ngế hok tro ing lâm 6 troh lâm 9 châ hriâm mâu môn: Toăn, Ngưh văn, nâl kong têa Ăng-glê rơtế mâu môn ki hok tro hâk chiâng rơkê môi tiah: guitar, voh. Ôh tá xê to tiah mê, klêi kơ’nâi rêm chôu hriâm, mâu thái cô ối hnê mơhno mâu vâi o tơdroăng xah tung đo#i, khu, xah hơdruê xoâng, pơtâp tơdroăng ki khên tơnôu tơpui ối tâng a ngiâ kơdrâm mơngế.

Rơtế [a\ ‘’Lâm hriâm tuăn pâ’’, Kâu lăk [o# ‘’Xua vâi o hâk pâ’’ ối djâ tung tơdroăng pêi cheăng ‘’Toăng hngêi tuăn ngôa rơkê’’ a cheăm Quảng Hiệp [a\ mâu lâm tơpui nâl kong têa Ăng-glê, cờ vua [a\ ai dâng 1 rơpâu túa kơxop mơ-éa tu\m túa, kum mâu vâi o rế hriâm rế châ xah hêi há, ai chôu ti tăng ple\ng a rêm mơ’nui măng t^ng. Kâu lăk [o# xuân mơhnhôk mơjiâng kơpong xah hêi vâi hdrêng, hngêi tuăn pâ, kơxop mơ-éa hriâm, kế tơmeăm khoăng xúa tung hriâm tâp, mâu kơxuô tơmeăm, hnoăng liăn hriâm rơkê diâp ăm hok tro kơtiê kơhnâ rơkê hriâm.

Phạm Thành Tuấn diâp ăm tong, kơxop mơ-éa, kế xúa tung hriâm tâp [a\ têa tôu ro ăm hok tro kơpong hơngế hơngo a Dak Lak

Tung lối 1 hơnăm hiăng hluâ, Kâu lăk [o# hiăng mơhnhôk châ lối 3.000 kơxop mơ-éa hriâm, lối 10.000 kơxop mơ-éa chêh rơtế hên hnoăng liăn hriâm rơkê, kơxuô tơmeăm ăm hok tro kơtiê. Kơnôm mê, hr^ng hok tro kơtiê akố hiăng châ tơdah troăng hnê hriâm tiô rơxông nếo [a\ ai tơ’nôm tơdroăng ki phiu ro tung hriâm tâp.

Thái Mai Văn Chuyền pơkuâ kâu lăk [o# ‘’Xua vâi o hâk pâ’’ tối:

‘’Tơdroăng pói vâ apoăng dêi á bu cho mơjiâng môi troăng hriâm tâp ăm mâu vâi o đi đo tê. Laga drêng á rế pêi mê hlo thế hơ’leh nếo. Apoăng bu hnê hriâm tiô khôi hmâ, hnê tơdroăng hriâm laga kơ’nâi mê á hlo thế hnê tơ’nôm nâl kong têa Ăng-glê, hnê tơ’nôm mâu troăng hriâm tâp nếo môi tiah hriâm mơ’no tơdrêng tung um tơvi, klêi mê hnê mâu tơdroăng rêh ối. Ing mê á hlo tơdroăng hriâm tâp dêi mâu vâi o hơ’leh hên, tơdroăng hriâm tâp dêi mâu vâi o cho hôm khât.

{a\ tơdroăng châ tơ-[rê dêi mâu vâi o cho tơdroăng ki mơhnhôk kân ăm tâi tâng mâu thái cô yăo, mâu ngế ki pleăng hnoăng cheăng veăng lâm hriâm kố’’.

Tung phôn râng ko\ng chal nếo dêi Phạm Thành Tuấn, Kăn pơkuâ khu tê mơdró pơlê pơla a Dak Lak, um ‘na mâu kơpong tơnêi ngoh hiăng troh tung mâu roh lăm pleăng hnoăng cheăng cho hên. Mê cho mâu toăng hngêi hiăng ching iăng, pơtân, mê cho mâu um mâu vâi hdrêng ôh tá ai hmân ếo xâp, ngiâ méa kơbrôu kơbrá, um kuăn pơlê ôh tá ai ếo hơtôu, kuâ dêi châ hngiú, lơ mâu lâm hriâm xi kơchoh, mâu vâi o hok tro ôh tá ai tu\m kơxop mơ-éa chêh vâ hriâm, lơ tơ’lêi tê kâ hmê tê kơtê ôh tá ai kơchâi dêi vâi krâ hdroâng kuăn ngo [a\ hía hé.

Mâu um méa mê cho tơdroăng mơhnhôk Tuấn thế ti tăng troăng krê tung tơdroăng pleăng hnoăng cheăng ki ngoh dế tiô pêi.

{a\ hnoăng cho Kăn pơkuâ Ko\ng ti pêi cheăng tiô rơnó troăng kơxop mơ-éa {uôn Ma Thuột, Tuấn hiăng tơku\m po hên tơdroăng tơmiât troh ‘na pơlê pơla a troăng kơxop mơ-éa a mâu hâi tơdrốu [a\ hâi t^ng rêm măng t^ng. Drêng pơrea\ng Covid 19 xông tâ tú, Tuấn hiăng tơru\m [a\ Khu pơkuâ droh rơtăm kong pơlê Dak Lak po rơdâ kơmăi ATM phái vâ xing xoăng tê kơtê phái ăm mơngế kơtiê.

Rơkong tó dêi vâi o ối ku\n drêng tơdah châ kơxop mơ-éa hriâm, mơ-éa chêh cho tơdroăng phiu ro dêi Tuấn

Ing kơmăi ATM apoăng châ ‘măn a troăng kơxop mơ-éa, bu tung 2 khế Tuấn hiăng po rơdâ châ 12 toăng kơmăi ATM phái a hên tíu ki phá tơ-ê dêi pó [a\ hiăng xing xoăng ăm lối 200 ta#n phái ăm kuăn pơlê. Rơtế [a\ kơmăi ATM phái, hên tơdroăng ki kal xúa rêm hâi, ki pâng rơkong môh, têa kơdê pơrea\ng [a\ môk ki mơdât têa hơte\ng hiăng châ Tuấn tơru\m [a\ mâu kâu lăk [o# pleăng hnoăng cheăng tung kong pơlê vâ lăm diâp ăm kuăn pơlê a mâu tơring kơpong hơngế hơngo dêi Dak Lak.

Ôh tá vâ pơtê a mâu tơdroăng pleăng hnoăng cheăng tiô roh tơdroăng, Tuấn ai pơkâ pêi mơjiâng Ko\ng ti to\ng kum mơngế pá puât vâ hbrâ xêh tung tơku\m po mâu tơdroăng to\ng kum rơdâ, kô chiâng tâp tíu ki tá hâi châ pêi pro ki pơlê pơla kal, tơdrêng amê tơniăn tơdroăng ki krá tơniăn. {a\ Khu tê mơdró pơlê pơla mơjiâng a khế 5 hơnăm 2019 cho troăng ki Tuấn tăng. Tiô Tuấn, drêng veăng tung Khu tê mơdró pơlê pơla, mâu ngế krê kô rơtế dêi pó pêi pro mâu pơkâ mơhno tơdroăng pơlê pơla, ki pơxúa châ châ xúa vêh mơ’no liăn ăm mâu pơkâ mê lơ ăm pơlê pơla teăng ki pro pro pơxúa hên ăm mơngế ki veăng mơ’no liăn lơ khu mơ’no liăn.

Klêi kơ’nâi lối 6 khế pêi cheăng, Khu tê mơdró pơlê pơla dêi Tuấn hiăng mơjiâng châ 20 tíu chôu ‘măn kơxop mơ-éa ăm 20 pơlê kơtiê tung kong pơlê Dak Lak. Mâu tíu chôu ‘măn kơxop mơ-éa kố hiăng xing xoăng 500 ko kơxop mơ-éa [a\ dâng 600 ngế hok tro châ xúa.

’’Tuấn xo vế túa ki rơkê tơtro cho pin thế mơjiâng môi Khu tê mơdró pơlê pơla xua Khu tê mơdró pơlê pơla gá ai hnoăng [a\ pơkâ pêi mê. Pin ôh tá chiâng pêi hmâng vâ, ôh tá pêi [a\ mâu kế tơmeăm ki pin rah xo kế ki pin ai chiâng mê má môi mê cho Tơdroăng tơkêa bro [a\ kơxop mơ-éa, mê cho mơjiâng tíu xah hêi, to\ng kum hnê hriâm [a\ mơjiâng hngêi trung hriâm [a\ tơdroăng xah hêi vâi hdrêng cho hên. Pin mơjiâng khu tê mơdró pơlê pơla a khế 5 hơnăm 2020. Klêi kơ’nâi tơdế hơnăm á bu tơku\m kơxo# liăn pêi 2 tơdroăng xiâm mê cho djâ kơxop mơ-éa chu a mâu pơlê [a\ tơdroăng má 2 mơjiâng mâu tíu tơdjêp vâ mâu khu to\ng kum tơku\m [a\ dêi pó’’.

Xuân ‘nâi, tung pơlê pơla xuân ối hên tơdroăng ki pá puât, tơvâ tơvân. Laga, [a\ mâu tơdroăng pêi ki pơxúa ki mâu pú hmâ hơnăm ối nếo dế pêi pro hiăng kum ăm pin ai tơ’nôm tơdroăng loi tơngah tung mâu tơdroăng ki le\m tung tơdroăng rêh ối. Reăng xuân ối tơpo tung tơdroăng rêh ối [a\ tơdroăng kum dêi pó dế toi kuăn mơngế achê dêi pó tâ. Hơtô dêi hiâm mơngế, kong tô trâ eăng dêi tơnêi kong kế môi tiah rơtế dêi pó djâ troh ăm Tây Nguyên môi rơnó hơngui phâi tơtôu.

Nam Trang chêh

A Sa Ly tơplôu [a\ tơbleăng