Kuăn tê nôu sap ối tơx^n, ngoh A Sup, ối a pơlê Long ‘Yon, cheăm Đak Ang, tơring Ngọc Hồi, kong pơlê Kontum sap ing 10 hơnăm hiăng tiô dêi pâ lăm pêi chiâk, păn dêi mâu vâi o. Troh hiăng rơtăm, drêng hiăng klêi pro mô đo#i, hơnăm 2001, ngoh vêh dêi a pơlê, xo on veăng [ă pơxiâm pêi cheăng kâ. {ă tơdroăng ki tơná hiăng hriâm tung mô đo#i, ngoh khên tơnôu mung liăn ung hngêi rak liăn kum mâu ki kơtiê xơpá, ngoh rôe tơnêi, ‘no liăn rôe hdrê loăng pêt, ôh tá la lâi pơtê tí tăng ‘nâi ple\ng, hriâm túa pêi cheăng kâ. Ing môi rơpo\ng kơtiê má môi tung pơlê Long ‘Yon, la klêi kơ’nâi 10 hơnăm mơ-eăm kơhnâ pêi cheăng, troh nôkố, rơpo\ng ngoh A Sup hiăng kro mơdro\ng má môi, má péa tung kơpong pơlê dêi kuăn ngo a cheăm kố. Ngoh A Sup ăm ‘nâi:
‘’ Bú to liăn pôm loăng, hơnăm nah, ôh tá riân kơxo# liăn hrê ki kố ki mê tung plâ hơnăm a châ xo dêi sap 100-120 rơtuh liăn. Pak^ng mê a ối châ xo ing liăn tê báu, prá alâi [ă ro, í, châ dâng 150 rơtuh liăn tung môi hơnăm. Tơnêi kơdrum rơtâ tá hngêi a pêt 400 xiâm loăng kơxu, tơnêi achê long păn ká a pêt loăng kơphế dâng 500 xiâm. Á tơmiât tung hơnăm kố ah, kô pêt tơ’nôm loăng kơphế’’.
{ă pôa A Nhim, krâ pơlê Têa Pong, cheăm Đak Rơnga, tơring Đak Tô, kong pơlê Kontum klêi veăng hriâm 2 rôh lâm mơhriâm dêi tơdroăng 135 ‘na túa pêt, rak ngăn loăng kơphế, kơxu, pôa ôh tá xê to mơnhông mơdêk cheăng kâ ăm dêi rơpo\ng hngêi mê ối hnê, kum hên kuăn pơlê tung pơlê pêi pro [ối. Pôa A Nhim tối ‘na tơdroăng cheăng pêi dêi tơná tiah kố:
‘’Nôkố a hiăng pêt 5 sào loăng kơphế, 3 ha loăng ‘mốu, pôm loăng dâng 5 hectar, kơxu 1 hectar 5 sao, 2 to klôh păn ká tung kơdrum. Rêm hơnăm oh tá riân kơxo# liăn hrê rôe ki kố ki mê, ối châ xo dêi hr^ng rơtuh liăn’’.
Pôa A Nhim – krâ pơlê – ngế ki rơkê pêi chiâk deăng thôn Têa Pong – cheăm Đak Rơnga – tơring Đak Tô – Kon Tum
Tơdroăng cheăng kâ mơnhông mơdêk, pôa A Nhim đi đo kum vâi krâ nho\ng o tung pơlê. Tâng vâ tối rêm khế pôa xuân ăm mâu rơpo\ng nho\ng o mung oh tá xo laih dâng 5 rơtuh liăn. Malối [ă mâu rơpo\ng ki xơpá, mâu rơpo\ng ki châi tamo, poâ kum vâi đi đo.
‘Na thôn Têa kon, cheăm Đak Rơnga, tơring Đak Tô, kong pơlê Kontum apoăng hơnăm kố, vâi krâ nho\ng o sôk ro xua thôn ai tơ’nôm 20 rơpo\ng hiăng hlu\n ing kơtiê a hơnăm nah. Pôa A Yêu, Kăn hnê ngăn Măt tra#n cheăm Đak Rơnga, tối, kơnôm ing ‘nâi tơru\m môi tuăn, trâm tơpui tơno, hriâm [ối ing mâu ngế ki rơkê, kum dêi rơpó pơla mâu hdroâng mơngế ki rêh ối tung cheăm, [ă hnối ing tơná vâi krâ nho\ng o mơ-eăm dêi:
‘’Tung cheăm Đak Rơnga ngin, vâi krâ nho\ng o mơngế Xuăn xuân môi tiah mâu hdroâng kuăn ngo tơku\m pêt loăng kơxu [ă loăng kơphế. Mâu rơpo\ng hmâ ai trâm tơpui tơno, hriâm [ối dêi rơpó túa pêi cheăng, thăm tơru\m môi tuăn pơla mơngế Xuăn [ă mơngế Rơteăng, rơtế [ă dêi rơpó tơpui tơno, hnê ăm dêi rơpó túa pêi cheăng kâ. Ing mê, vâi krâ nho\ng o hlo ki tơ-[rê vâ mơ-eăm mơnhông cheăng kâ, pêi cheăng rế châ xo dêi tơmeăm, liăn ngân hên tâ. Môi tiah rơpo\ng a nôkố pêt châ 5 hectar kơxu, 1 hectar kơphế, 3 hectar loăng ‘mốu, păn 6 to kơpôu, [ă hr^ng to í. Ngin đi đo mơhnhôk vâi krâ nho\ng o thế kơdo mơ-eăm pêi cheăng kâ vâ mơnhông dêi rơpo\ng hngêi. Tơdroăng kơdroh hrâ mơnguâ xăm kơtiê tung hơnăm 2016 kố nah ăm ‘hlo nhên, gá tơ-[rê khât’’.
{ă tơdroăng ki môi tuăn, kum dêi rơpó rơtế rế rơkê ple\ng [ă hnối kơdo mơ-eăm ing tuăn tơmiât, ivá dêi vâi krâ nho\ng o, púi tơngah mâu thôn pơlê dêi mơngế Rơteăng a kong pơlê Kontum tối phá xêh xuân môi tiah mâu pơlê kơpong Tây Nguyên tối tơchoâm thăm rế ai hên ngế pêi cheăng kơhnâ rơkê, ‘nâi pro kro mơdro\ng ăm dêi rơpo\ng hngêi [ă pro le\m ro ăm pơlê tơná.
Nhat Lisa chêh
Gương tơplôu [ă tơbleăng
Viết bình luận