VOV4.Sêdang - Hơnăm 2017, tơdroăng pơkâ mơnhông mơdêk GDP tung lâp tơnêi têa châ 6,7%, kơxo# ki oh tá tơ-[rê pá xôp 4%. Mâu ki rơkê ‘na cheăng kâ tối, Việt Nam xuân dế trâm ki tơ’lêi hlâu tâng vâ pơchông [ă hên mâu kong têa tung kơpong, tơdroăng kal kí [ă cheăng kâ kân tơniăn le\m [ă kô ai hên ki tơ’lêi vâ châ tơ’mot mâu khu cheăng kâ ing kong têa ê ‘no liăn pêi cheăng. Nếo achê pơla kố, xông tơpui a hneăng hôp Chin phuh tơku\m po mơ’no tơdrêng [ă mâu kong pơlê tối tơbleăng pơkâ pêi mâu tơdroăng cheăng kâ – rêh ối pơlê pơla [ă liăn ngân tơnêi têa hơnăm 2017, pôa Nguyễn Xuân Phúc, Ngế pro xiâm hnê ngăn tơnêi têa tối nhên, ki xiâm hnê mơhno pơkuâ cho tơniăn ‘na pêi cheăng ki kân, mơdêk cheăng kâ hên tâ hơnăm 2016, rơtế [ă tơdroăng cheăng kâ, hơ’lêh nếo ki mơdêk pêi lo kế tơmeăm, ai pơxúa [ă ivá tơplâ dêi tơdroăng cheăng kâ [ă hên tơdroăng cheăng ki ê. Ngế pro xiâm hnê ngăn tơnêi têa tối, vâ tơniăn ‘na cheăng kâ kân pro xiâm cho tơdroăng mơnhông mơdêk kâ rơtế [ă mơdêk ki tơ-[rê pêi pái tơdroăng, tơniăn mơnhông cheăng kâ, krá tơniăn, mơdêk ‘mâi hơ’lêh túa pêi cheăng, mơdêk hbrâ mơdât kâ kơluâ, mơ’nhiê kế tơmeăm hmâng vâ, mơjiâng tơdroăng pêi cheăng vâ kum kuăn pơlê [ă khu mơdró.

Gương tơplôu [a\ tơbleăng