VOV4.Sêdang - Mâu hơnăm hdrối nah, tơdroăng rêh ối [ă hiâm mơno dêi kuăn pơlê a [uôn K’Long, cheăm Hiệp An, tơring Đức Trọng, kong pơlê Lâm Đồng đi đo châ mơdêk, tơdroăng gâk kring xêh, tơdroăng tơru\m pơla mâu kuăn pơlê tung pơlê châ mơdêk, tơru\m tơdjuôm ivá mơjiâng pơlê, cheăm kro mơdro\ng. Malối, kông tơdjêp pơla Đảng, Tơnêi têa [ă mâu kuăn pơlê hdroâng kuăn ngo K’ho a tíu kố rế hía rế tơru\m krá, tơdroăng ki tơkôm to a tơdroăng to\ng kum hiăng ôh tá ai xếo, kuăn pơlê kơhnâ xúa ki rơkê ple\ng dêi khoa hok kih thua#t tung pêt kơchâi, reăng, mơdêk ki kơnía ‘na cheăng kâ. Tơdroăng mê cho ai ivá veăng kum dêi pôa K’Lèn, krâ pơlê, kăn pơkuâ cho [o# [uôn K’Long.

            Tơdah ngin tung toăng hngêi kân rơdâ [a\ ai tu\m kế tơmeăm khoăng tung hngêi, pôa K’Len, krâ pơlê, Kăn pơkuâ chi [o# pơlê K’Long, cheăm Hiệp An, tơring Đức Trọng (Lâm Đồng) phiu ro tối, kơnôm kong prâi hơnăm kố tơ’lêi, tơmeăm khoăng ngiêt le\m xua mê rơnó reăng têt hơnăm kố kuăn pơlê tung pơlê pơtối châ tơ-[rê hên tung pêi pêt rak ngăn. Rơpo\ng ki lâi xuân ai liăn vâ rôe kế tơmeăm khoăng ki kal xúa tung hngêi rơtế tơdjuôm phiu ro [a\ pơlê kâ têt tiô khôi hmâ dêi hdroâng mơngế.

            Pôa K’Len, krâ pơlê hơ’muăn tối, hdrối nah, tơdroăng rêh ối dêi kuăn pơlê tung pơlê pá puât ‘nâng, pêi lo liăn ki hên cho kơnôm to lâi sao klâng pêi môi rơnó xua mê kơklêa, kơtiê đi đo. Kơnôm châ Đảng [a\ Tơnêi têa tơmâng mơ’no liăn cheăng tu\m tơdroăng, pêi pro hên tơdroăng troăng hơlâ mơ’no liăn cheăng, to\ng kum yă hdrê pêt [a\ hnê kih thuât pêt rak ngăn. Rơtế [a\ pơtâng tối mơhnhôk dêi khu râ, mât tra#n [a\ khu râ kăn pơkuâ mâu râ – ‘’đảng viên prôk hdrối, kuăn pơlê tiô kơ’nâi’’, vâi krâ akố nếo chôa ‘lâng pơhlêh nếo tuăn tơmiêt, chôa ‘lâng hriâm tâp, xúa kơmăi kơmok rơxông nếo tung pêi kâ tiô troăng mơdêk ki kơnâ dêi kế tơmeăm khoăng. Tiô pôa K’Len, vâ kuăn pơlê loi tơngah, ple\ng [a\ pêi tiô, [a\ hnoăng cho đảng viên mê thế cho ngế djâ troăng ahdrối:

            ‘’Ahdrối a thế hriâm hên tơdroăng vâ ‘nâi ple\ng hên, thế ple\ng tu\m mâu troăng pơkâ pêi, troăng hơlâ dêi Đảng [a\ luât dêi Tơnêi têa mê nếo tơ’lêi pơtâng tối, mơhnhôk ăm rêm ngế vâi krâ. Pak^ng mê, drêng pêi tơdroăng ki lâi á thế djâ troăng ahdrối, pơtih á thế pro hngêi nhe\ng hngêi hlâm pêi chiâk deăng xúa kơmăi kơmok rơxông nếo vâ vâi krâ hriâm tâp. Tâng bu to pơtâng tối [a\ rơkong mê kuăn pơlê ôh tá ple\ng, á thế pêi [a\ tá kuăn ‘ne\ng á xuân tiah mê, drêng hlo châ tơ-[rê cheăng kâ nhên mê vâi krâ nếo vâ pêi tiô’’.

            Tối troh pôa K’Lèn, krâ pơlê, kuăn pơlê tung pơlê K’Long kơbố xuân nhuo#m. Pôa Phan Mai Khôi, Pho\ pơkuâ hnê ngăn cheăng Đảng, Kăn hnê ngăn Ho#i đông kuăn pơlê cheăm Hiệp An, tơring Đức Trọng tối, tơdroăng ki mê ôh tá xê to xua ăm dêi châ tơná pôa K’Lèn cho Kăn pơkuâ hnê ngăn Chi [o# pơlê K’Long, krâ pơlê, kăn pơkuâ pơlê, [a\ cho ngế đảng viên đi đo djâ troăng ahdrối tung rêm tơdroăng cheăng vâ kuăn pơlê tiô [ối. Tơdroăng ki nhuo#m mê ối mơhno ing ‘na hiêm mơno, tơdroăng rêh ối [a\ mâu tơdroăng pêi ki kal tung tơdroăng rêh ối pơlê pơla. {a\ tơdroăng mơjiâng Đảng, mơjiâng tơdroăng cheăng kal kí ó rơdêi krá tơniăn, Chi [o# thôn K’Long xuân đi đo cho môi tung mâu thôn ối má môi, hên hơnăm pơtối châ krúa le\m ó rơdêi [a\ kơxo# đảng viên tâk troh 25 ngế, tung mê ai hên đảng viên hơnăm ối nếo cho mơngế hdroâng kuăn ngo. Châ tơ-[rê kố ai tơdroăng veăng to\ng kum hên dêi pôa K’Lèn, Kăn pơkuâ hnê ngăn Chi [o# pơlê K’Long. Pôa Phan Văn Mai, tối:

            ‘’Kăn pơkuâ hnê ngăn Chi [o# K’Long cho ngế hdroâng kuăn ngo laga pơtối pêi pro mâu hnoăng cheăng châ pơcháu cho tơtro, tung mê thế tối troh hnoăng cheăng dêi tơdroăng mơjiâng Đảng, mơjiâng tơdroăng cheăng kal kí a pơlê châ tơ-[rê hên. Ki rơhêng vâ tối, K’Long cho pơlê mơngế hdroâng kuăn ngo laga nôkố tơdroăng mơnhông cheăng kâ hiăng tơniăn le\m’’.

            Pơlê K’Long ai lối 90% cho mơngế hdroâng kuăn ngo K’ho, ki hên cho rêh ối kơnôm to pêi chiâk deăng. Tung mâu hơnăm achê kố, pak^ng tơdroăng rak ngăn mơnhông pêi kâ [a\ tơdroăng rêh ối, vâi krâ tung pơlê đi đo veăng hên [a\ pêi pro châ tơ-[rê mâu tơdroăng tơ’noăng pâ nhuo#m tơnêi têa, mâu tơdroăng pêi cheăng, roh mơhnhôk xua pơlê mơhnhôk. Ing mê, ngiâ méa thôn pơlê rế hía rế pơhlêh nếo, khôi túa ki ôh tá le\m tro châ tah, tuăn tơmiêt kơnôm to tơnêi têa ôh tá vâ pêi cheăng, tơdroăng rêh ối rơkê, tơtêk rế hía rế châ mơnhông mơdêk.

            Laga, tiô pôa K’Lèn, Kăn pơkuâ hnê ngăn chi [o# pơlê K’Long, ki hên kuăn pơlê hiăng mơnhông mơdêk thôn pơlê tiô troăng xúa kơmăi kơmok rơxông nếo laga ôh tá châ tơ-[rê hên. Xua mê, kal pơtối ai mâu tơdroăng pơkâ to\ng kum, hnê mơhno troăng pêi dêi Đảng [a\ Tơnêi têa tung hnê mơhno tơku\m po pêi kâ, mơdêk ki dâi le\m [a\ mơjiâng inâi tơmeăm khoăng. Ai tiah mê pơlê K’Long nếo ai tơ’nôm tơmeăm khoăng vâ krá tơniăn xông tơtêk. Pôa K’Lèn, krâ pơlê, kăn pơkuâ hnê ngăn Chi [o# pơlê K’Long, tối:

            ‘’Mâu tơdroăng pói vâ mê cho hên, á pói vâ kal pơtối mơnhông tơdroăng pơtâng tối dêi mâu râ mâu kơvâ cheăng, tung mê tơtro\ng tơdroăng hnê mơhno kuăn pơlê pêt mâu tơmeăm khoăng pêi lo ing chiâk deăng ki kơnâ liăn, ki má lối mâu troăng pêi tơru\m pêi kâ châ tơ-[rê ki mâu tíu ki ê hiăng [lêi trâng. Pak^ng mê, xuân kal tơdroăng to\ng kum dêi Đảng [a\ Tơnêi têa tung tơdroăng hnê mơhno, mơhno troăng pêi pêt kơchâi drêh, reăng môi tiah lâi vâ châ tơ-[rê tâ, vâ châ ai inâi, ai tiah mê vâi krâ nếo khên tơru\m [a\ mơdêk tơdroăng rêh ối’’.

            {a\ mâu tơdroăng veăng kum tung tơdroăng mơjiâng Đảng, mơjiâng khu cheăng kal kí [a\ mơnhông mơdêk cheăng kâ – rêh ối pơlê pơla dêi pơlê, pôa K’Lèn, krâ pơlê, kăn pơkuâ hnê ngăn Chi [o# pơlê K’Long hiăng châ tơdah hên [âng kheăn kơdeăn, mơ-éa kheăn kơdeăn dêi tơring Đức Trọng [a\ kong pơlê Lâm Đồng. Tơxâng cho ngế đảng viên djâ troăng ahdrối, cho krâ pơlê ki loi tơngah dêi pơlê vâ kuăn muăn tiô [ối./.

Quang Sáng chêh

A Sa Ly tơplôu [a\ tơbleăng