VOV4.Sêdang - Kơxo lơ 18/4, pôa Nguyễn Xuân Phúc, Ngế pro xiâm hnê ngăn Chin phuh troh veăng hôp [a\ xông tơpui pơkâ thế pơxiâm mơjiâng pro kơpong pêi chiâk deăng xúa kơmăi kơmok rơxông nếo păn ro [a\ pro kế kâ, têa ôu ing têa tôu ro a cheăm Sông Bình, tơring Bắc Bình, kong pơlê Bình Thuận. Kơpong pêi chiâk deăng xúa kơmăi kơmok, păn mơnăn mơnôa [a\ pro kế kâ, têa ôu ing têa tôu ro, kơpong pêi chiâk deăng xúa kơmăi kơmok rơxông nếo tung 8.000 hectar, xua Ko\ng ti tơlo liăn cheăng pro têa tôu ro Thông Thuận mơ’no liăn cheăng ai 3.000 rơtal liăn. Tung mê, ai mâu tơdroăng tơkêa bro: Pêt nhâ [a\ alâi, păn ro xo têa tôu [a\ păn ro tê hơ’nêh xúa kơmăi kơmok rơxông nếo; hngêi kơmăi pro têa tôu ro, hngêi kơmăi kơdê, chêh, siê  hơ’nêh ro, hngêi kơmăi hrik chuâ têa [a\ hngêi kơmăi pro chhá ki lía. Kố cho môi tung mâu túa cheăng ki nếo dêi kong pơlê ‘na xúa kơmăi kơmok rơxông nếo vâ mơnhông mơdêk pêi chiâk deăng, mơjiâng tơru\m cheăng, tê mâu kế tơmeăm khoăng ki dâi le\m. Tơdroăng tơkêa kô kum hơ’lêh ngiâ méa kơvâ pêi chiâk deăng Bình Thuận ing troăng pêi cheăng tiô khôi vâi krâ nah, mê cho hơ’lêh pêi cheăng tiô rơxông nếo, tăng cheăng pêi tơ’nôm ăm kuăn pơlê pêi chiâk deăng a kong pơlê.

A Sa Ly tơplôu [a\ tơbleăng