VOV.Sêdang - Veăng [a\ xông tơpui hnê mơhno a Hneăng hôp mơgêi tơdroăng séa ngăn 5 hơnăm hiăng hluâ [a\ po rơdâ hnoăng cheăng tung la ngiâ dêi Kơ koan xiâm séa ngăn Chin phuh a kơxê lơ 12/1, pôa Nguyễn Xuân Phúc, Ngế pro xiâm hnê ngăn tơnêi têa kheăn kơdeăn, Kơ koan xiâm séa ngăn Chin phuh hiăng pêi pro tro hnoăng cheăng Đảng, Tơnêi têa pơcháu, tung mê, ai roh tơdroăng ki kân, ki rơhêng vâ tối cho kân ó, mơhno tơdroăng ki châ tơ-[rê tung hbrâ mơdât kâ kơhveăm liăn ngân.

Tối troh mâu tơdroăng châ tơ-[rê dêi tơnêi têa 5 hơnăm hiăng hluâ, ki málối cho hơnăm 2020, kum tơdroăng loi tơngah dêi kuăn pơlê [a\ Đảng, Tơnêi têa châ mơdêk, Ngế pro xiâm hnê ngăn tơnêi têa tối ăm ‘nâi, drêng pá puât, tơnêi têa xuân châ tơ-[rê pơkâ péa xôh. Rơtế amê, tơdroăng mơjiâng Đảng, hbrâ mơdât kâ kơhveăm liăn ngân, tơleăng săm tối, săm tơkêng, châ tơ-[rê hên kal khât.

Tung mê, Ngế pro xiâm hnê ngăn tơnêi têa kheăn kơdeăn, Kơ koan séa ngăn Chin phuh cho môi kơ koan veăng kum châ tơ-[rê kố. Tối tơdroăng hơnăm 2021 xuân ối ai tơdroăng kâ kơhveăm liăn ngân, pôa Nguyễn Xuân Phúc hnê mơhno kơvâ séa ngăn pêi tiô hnê mơhno dêi Chin phuh, mơjiâng pơkâ séa ngăn tro vâ kum tơtro hnoăng cheăng kal kí a kong pơlê.

Ngế pro xiâm hnê ngăn tơnêi têa xuân pơkâ Kơ koan séa ngăn Chin phuh tơku\m ‘mâi rơnêu luât séa ngăn hơnăm 2010; mơjiâng khu tơru\m cheăng, tíu cheăng séa ngăn rơkê tơtro, pêi cheăng hôm rơkê, châ tơ-[rê.

A Sa Ly tơplôu [a\ tơbleăng