VOV4.Sêng - Drêng Têt Lo hơnăm nếo Tân Sửu 2021, kơxê lơ 2/2, pôa Nguyễn Xuân Phúc, Ngế pro xiâm hnê ngăn tơnêi têa hiăng chôu nhang, koh tơbâ mâu kăn pơkuâ hneăng hdrối dêi Đảng, Tơnêi têa ki hiăng hlâ lêk. Pôa Nguyễn Xuân Phúc hiăng chôu nhâng tơbâ pôa Lê Duẩn. Tung plâ 60 hơnăm pêi cheăng kăch măng, 26 hơnăm hlối, sap ing hơnăm 1960 troh 1986, cho hnoăng cheăng kăn xiâm pơkuâ ngăn Đảng má môi [ă kăn xiâm pơkuâ ngăn Tíu xiâm Đảng, pôa Lê Duẩn hiăng pleăng dêi tâi ivá xua tơdroăng cheăng tơleăng le\m hdroâng mơngế, xua tơdroăng ki rơhêng vâ châ môi tuăn tơnêi têa.

Pơtối mê, Ngế pro xiâm hnê ngăn tơnêi têa chôu nhâng ăm pôa Trường Chinh, kăn pơkuâ 3 hdroh pro kăn xiâm pơkuâ ngăn Đảng. Pôa Nguyễn Xuân Phúc, Ngế pro xiâm hnê ngăn tơnêi têa tối nhên, tơnêi têa pin châ môi tiah nôkố [ă châ kong têa ê loi tơngah hiăng tối nhên tơdroăng tơtro dêi hnoăng cheăng hơ’leh nếo ki pôa Trường Chinh, kăn pơkuâ ngăn Đảng cho ngế ki pơkâ mơ’no [ă pơxiâm kơtăn kố 35 hơnăm. Pơtối mê, Ngế pro xiâm hnê ngăn tơnêi têa hiăng troh chôu nhang tơbâ mâu vâi pôa Đỗ Mười, Lê Khả Phiêu, Phạm Văn Đồng, Đăi tươ\ng Võ Nguyên Giáp.

Katarina Nga tơplôu [ă tơbleăng