VOV4.Sêdang - Kơxê lơ 8/2, a Hà Nội, tơpui hnê mơhno a rôh hôp ‘no tơdrêng tung um tơvi dêi Chin phuh ‘na hbrâ mơdât pơreăng Covid-19, pôa Nguyễn Xuân Phúc, Ngế pro xiâm hnê ngăn tơnêi têa tối nhên, pơreăng ôh tá tơniăn, hlo rế rơ-iô tâ xua ki tâ tú tung pơlê pơla. Tiô tối tơbleăng dêi Khu xiâm ngăn pơkeăng [ă khăm pơlât a rôh hôp, pơreăng mơni xuân ối tâ tú drêng mâu pơlê kong kân môi tiah Hà Nội, pơlê kong kân Hồ Chí Minh xuân ối ai tíu ki tâ tú tung pơlê pơla tá châ ‘nâi, malối cho tíu ki ai pơreăng châ ‘nâi a kơpong ki ‘măn mâu kế tơmeăm a tơraih tơ-[ai Tân Sơn Nhất nôkố tá hâi ‘nâi nhên xiâm kối tâ tú.

Xua mê, kăn hnê ngăn Vi [an Pơlê kong kân Hồ Chí Minh, Hà Nội, Hải Phòng, mâu kong pơlê kân ki ê dế ai pơreăng châ xúa mâu tơdroăng pơkâ ki kơtăng tâ vâ hbrâ mơdât châ tơ-[rê ‘na ki tâ tú dêi pơreăng tung pơlê pơla, tung mê, ai tá tơdroăng ki klâ krê pơlê pơla tiô pơkâ 15, 16 dêi Ngế pro xiâm hnê ngăn Chin phuh [ă mâu tíu ki ai pơreăng dế ôh tá tơniăn. Ngế pro xiâm hnê ngăn tơnêi têa tối nhên, tơdroăng nôkố ôh tá tơniăn, tơdroăng ki kho\m, tơdrêng, mê pin kô hbrâ mơdât pơreăng châ tơ-[rê.

Katarina Nga tơplôu [ă tơbleăng