VOV4.Sêdang - Kơxê lơ 24/12, a Hà Nội, pôa Nguyễn Xuân Phúc, Ngế pro xiâm hnê ngăn tơnêi têa veăng hôp [ă hnê mơhno a hneăng hôp ‘no tơdrêng tung um tơvi dêi Khu xiâm ngăn chiâk deăng [ă mơnhông thôn pơlê, mơgêi hnoăng cheăng hơnăm 2020, tối tơbleăng hnoăng cheăng hơnăm 2021. Ngế pro xiâm hnê ngăn tơnêi têa tối nhên, tung pơla xơpá môi tiah hơnăm 2020, pêi chiâk deăng, kuăn pơlê pêi chiâk deăng, thôn pơlê pơtối mơhno tối cho ivá kum ki kal dêi tơdroăng cheăng kâ.

Pôa Nguyễn Xuân Phúc, Ngế pro xiâm hnê ngăn tơnêi têa xông tơpui a hneăng hôp mơgêi tơdroăng pêi cheăng hơnăm 2020

Tung ivá khên tơnôu Việt Nam hơnăm 2020 ăm tơdroăng cheăng mơdêk châ vâ chê 3%, kơlo ki Hngêi rak liăn kong têa ê mơnhên tối hên má môi kơpong châu Á – Thái Bình Dương, Ngế pro xiâm hnê ngăn tơnêi têa tối tiah kố ai hnoăng cheăng ki kal dêi kơvâ pêi chiâk deăng. Tung tơdroăng ki mê, Ngế pro xiâm hnê ngăn tơnêi têa pơkâ ăm kơvâ pêi chiâk deăng tê tơmeăm ngi kong têa châ 44 rơtal dollars hơnăm 2021.

Ki hdrối tâ, tung rôh Têt khôi hmâ hơnăm kố, Ngế pro xiâm hnê ngăn tơnêi têa hnê mơhno kơvâ cheăng athế ai tu\m hơ’nêh chu mê ah mơdêk yă, tơdrêng amê hnối pơkâ thế mâu kơ koan ki ai tơdjâk pơkâ tơleăng kơtăng mâu tơdroăng ko ‘nhiê mâu hdrê loăng, reăng sap ing kong vâ rơnuâ a rôh Têt, pro tơ’nhiê kong [ă kong prâi tơnêi tơníu.

Nga tơplôu [a\ tơbleăng