VOV4.Sêdang - Ngế pro xiâm hnê ngăn Chin phuh pơkâ thế mâu Khu xiâm, kơvâ cheăng, kăn pơkuâ Kơ koan tơ’mô [ă khu xiâm, kơvâ cheăng ối tung Chin phuh, kăn hnê ngăn Vi [an hnê ngăn mâu kong pơlê, pơlê kong kân, malối cho mâu kong pơlê ki trâm khía mơhot têa kân lân lu pơla hdrối kố nah pơtối hnê mơhno tối tơbleăng pêi pro kơhnâ, tơdâng tơ’mô mâu hnoăng cheăng, troăng hơlâ ‘mâi mơnhông kế tơmeăm klêi kơ’nâi khía mơhot têa kân lân lu, ‘mâi mơnhông cheăng kâ.

Ki nhên cho pơtối ‘mâi mơnhông klêi kơ’nâi kong mê khía mơhot têa kân lân lu, to\ng kum rak tơniăn tơdroăng rêh ối ăm kuăn pơlê, tung mê tơku\m rak tơniăn kế kâ, to\ng kum mâu rơpo\ng ki tro tơ’nhiê hngêi trăng hdrối Têt Lo hơnăm nếo Tân Sửu, re\ng ‘mâi mơnhông cheăng kâ, malối cho pêi chiâk deăng, ‘mâi mơnhông tơdrêng mâu kế tơmeăm hngêi trăng troăng klông ki kal tro tơ’nhiê xua khía mơhot, malối cho tung khăm pơlât, hnê hriâm, troăng prôk, hno têa, rơchoâ.

Séa ngăn hlá mơéa ‘na kong prâi pro hơ’leh, mơnhên tối tâi tâng ‘na tơdroăng ki kong mê khía mơhot têa kân lân lu, tơdroăng ki ôh tá mơhúa tung rôh kong mêi khía mơhot têa kân lân lu, tơdjâk troh kuăn pơlê, cheăng kâ pơlê pơla.

Katarina Nga tơplôu [ă tơbleăng