VOV4.Sêdang - Kơxo lơ 2/4 xua tơdroăng pơkuâ po rôh hôp dêi pôa Nguyễn Xuân Phúc, Ngế pro xiâm hnê ngăn tơnêi têa, Chin phuh hiăng po rôh hôp tiah hmâ khế 3 mơnhên tối tơdroăng cheăng kâ tung pơla sap ing khế 1 troh khế 3.

A rôh hôp, ai tơpui troh mâu tơdroăng dêi pơlê pơla ki tô tuăn tung pơla hiăng luâ môi tiah tơdroăng cheăng ki loi t^ng, a hngêi chuô Ba Vàng, kong pơlê Quảng Ninh, rôh tơxiăn tơpâm a hngêi trung dêi kong pơlê Hưng Yên [ă mâu kong pơlê ki ê. Ngế pro xiâm hnê ngăn tơnêi têa hnê mơhno kal pơxâu phâk tơdrêng mâu tơdroăng ki tô tuăn tung pơlê pơla [ă kuăn pơlê. Mơnhên tối tơdroăng cheăng kâ rêh ối sap ing khế 1 troh khế 3 hơnăm 2019 dêi lâp tơnêi, Ngế pro xiâm hnê ngăn Chin phuh tối tiah kố, tơdroăng cheăng kâ xuân ối hlo tơ-[rê, GDP sap ing khế 1 troh khế 3 tâk, châ 6,79%, cheăng kâ krá tơniăn.

Ngế pro xiâm hnê ngăn tơnêi têa pơkâ thế ‘mâi mơnhông mâu tơdroăng ki xơpá tung kơvâ pêi chiâk deăng, môi tiah pơreăng châi klêa chu châu Phi tâ tú, pơreăng hbáu mông, tơlo\ng kơchup kơnêi chêng, tơdroăng ki kong tô mơdrăng khăng khoăng ôh tá tơniăn a peăng hdroh [ă Tây Nguyên, yă tê kế tơmeăm pêi lo ing chiâk deăng chu kơdroh, malối cho ká tra, báu, tiu, kloăng hôt, kơphế.

Ngế pro xiâm hnê ngăn tơnêi têa xuân pơkâ thế khu xiâm, kơvâ cheăng kong pơlê kal hriăn ngăn vâ ai troăng hơlâ pơtối tơ’mot ‘no liăn cheăng ing kong têa ê, pro chiâng ivá ăm tơdroăng cheăng kâ châ mơnhông mơdêk.

Katarina Nga tơplôu tơbleăng