VOV4.Sêdang - Kơxo lơ 3 khế 2, pôa Nguyễn Xuân Phúc, Ngế pro xiâm hnê ngăn tơnêi têa pơkuâ po hneăng hôp Chin phuh tiah hmâ a khế 1 hơnăm 2017. Ngế pro xiâm hnê ngăn tơnêi têa mơnhên tối, klêi kơ’nâi 9 khế pêi cheăng, ki apoăng Chin phuh hneăng ki nếo hiăng châ ai tơdroăng ki loi tơngah dêi kuăn pơlê. Chin phuh hiăng ăm kuăn pơlê loi tơngah mê tơtro tâ [ă mâu tơdroăng pêi pro. Ngế pro xiâm hnê ngăn tơnêi têa pơkâ thế mâu khu kăn cheăng tung Chin phuh pơtối pêi pro tro tơdroăng mơnhông mơdêk khu mơdró kâ, hơ’lêh tung ‘no liăn cheăng [ă tơdroăng ki pêi pro tro 250 hnoăng cheăng dêi Tơdroăng pơkâ 19 nếo mơ’no a khế 1 hơnăm 2017. Tơdrêng amê, troăng hơlâ kal kí khu kăn pơkuâ rêm râ xuân athế tơpui tối, kum pêi pro tro ăm kuăn pơlê. Rơtế amê, cho mơdêk pêi pro tro mâu hnoăng cheăng rak ngăn tơniăn kế kâ, mơnhông pêt kong, mơdêk ôm hyô chiâng kơvâ cheăng ki xiâm dêi tơnêi têa.

Katarina Nga tơplôu [ă tơbleăng