VOV4.Sêdang - Kơxo lơ 12 khế 7, a kong pơlê Dak Lak, pôa Nguyễn Xuân Phúc, Ngế pro xiâm hnê ngăn tơnêi têa, kăn xiâm kơpong cheăng kâ rêh ối pơlê pơla hbrâ ăm po Hneăng hôp Đảng lâp tơnêi têa rôh má 13 dêi Đảng, pơkuâ rôh pêi cheăng [ă 10 kong pơlê kơpong peăng tơdế tơnêi têa, Tây Nguyên.

Ngế pro xiâm hnê ngăn tơnêi têa hôp [ă mâu kong pơlê peăng Tơdế Tơnêi têa, Tây Nguyên 

Tối tơbleăng a rôh pơxiâm po hôp, pôa Nguyễn Xuân Phúc ăm ‘nâi, rôh pêi cheăng kố kal khât vâ mâu mâu khu tơru\m cheăng dêi Kơpong cheăng kâ rêh ối pơlê pơla tơmâng mâu rơkong tơpui tối tơdroăng ki ai khât sap ing mơnhông mơdêk dêi mâu kong pơlê tung pêi pro hnoăng cheăng mơnhông mơdêk cheăng kâ rêh ối pơlê pơla dêi tơdroăng cheăng tung la ngiâ 10 hơnăm 2011-2020, Túa pơkâ 5 hơnăm 2016 – 2020, veăng kum mâu tơdroăng ki veăng kum túa tơmiât ki tro, troăng hơlâ pơkâ mơnhông ki ai khât ăm mâu hlá mơ-éa Kơpong cheăng athế mơjiâng, tung mê, ai túa pơkâ mơnhông cheăng kâ rêh ối 5 hơnăm 2021-2025 [ă tơdroăng la ngiâ mơnhông cheăng kâ rêh ối 10 hơnăm 2021 – 2030. Rơtế amê, cho athế ai troăng ki ngăn ton xo\n tâ troh hơnăm 2045.

Ngế pro xiâm hnê ngăn tơnêi têa pơkâ thế mâu kong pơlê tối mâu tơdroăng ki nhên, ivá mơnhông ki nếo [ă kong pơlê, kơpong [ă tơnêi. Malối cho [ă kơpong Tây Nguyên, Ngế pro xiâm hnê ngăn pơchân kố cho kơpong ki ai tơnêi tơníu, cheăng kâ, pơlê pơla cheăm bêng, kring vế, gak ngăn, tơpui kâ kal khât [ă tơnêi têa.

Katarina Nga tơplôu [ă tơbleăng