VOV4.Sêdang – Tơpui hâi pơxiâm po hneăng hôp Chin phuh tiah hmâ khế 1/2021 po a kơxo lơ 2 khế 2, pôa Nguyễn Xuân Phúc, Ngế pro xiâm hnê ngăn tơnêi têa thế mâu kơ koan, khu râ pơkuâ cheăng thâ pêi mâu tơdroăng tơdrêng tung pái khế apoăng hơnăm kố ai vaccine hbrâ mơdât pơreăng COVID-19.

Hâk mơnê koh Hneăng hôp Đảng má 13 klêi tơniăn le\m, rơkâu mâu kăn cheăng tung Chin phuh ki châ rah xo mot pêi cheăng tung Khu kăn xiâm hneăng 13, pôa Nguyễn Xuân Phúc ăm ‘nâi, Chin phuh hiăng ai hên hnoăng veăng ‘no tung tơdroăng pêi klêi mâu hlá mơ-éa chêh pơtroh ăm Hneăng hôp, tung mê, ai tá tơdroăng chêh Tối tơbleăng kal kí, troăng hơlâ mơnhông cheăng kâ rêh ối 10 hơnăm, troăng hơlâ cheăng pêi mơnhông cheăng kâ rêh ối 5 hơnăm.

Ngế pro xiâm hnê ngăn tơnêi têa tối nhên tơdroăng dêi rôh hôp drêng kố cho tơpui tơno tơdroăng cheăng kâ rêh ối dêi tơnêi têa, tơdroăng cheăng, hbrâ mơdât COVID-19 [ă tơdroăng cheăng ‘na Tết Tân Sửu. Tơdrêng [ă tơdroăng plâ mơdât pơreăng kal thế mơdêk pêi chiâk deăng [ă mơdêk pêi lo tơmeăm, Ngế pro xiâm hnê ngăn tơnêi têa hnê mơhno ăm mâu khu xiâm kơvâ cheăng, kong pơlê thế tơmâng khât troh Têt ăm kuăn pơlê kơtiê, kuăn pơlê kơpong hngế hngo, kơpong khía mơhot kân têa lân lu, kơpong mơdât xua pơreăng tâ tú.

Gương tơplôu [ă tơbleăng