VOV4.Sêdang - Hngêi arak liăn Tơnêi têa nếo tơku\m po hneăng hôp mơgêi tơdroăng pêi cheăng hơnăm 2020, po rơdâ hnoăng cheăng hơnăm 2021. Xông tơpui a hneăng hôp, pôa Nguyễn Xuân Phúc, Ngế pro xiâm hnê ngăn tơnêi têa kheăn kơdeăn Hngêi arak liăn Tơnêi têa [a\ mâu khu ki ăm mung liăn hiăng ai mâu tơdroăng veăng kum kal khât ăm tơnêi têa 5 hơnăm hiăng hluâ, ki rơhêng vâ tối cho hơnăm 2020. Ngế pro xiâm hnê ngăn tơnêi têa tối ăm ‘nâi, mâu khu tơru\m cheăng lâp plâi tơnêi xuân kheăn kơdeăn tơdroăng tơtêk dêi Việt Nam [a\ tối, kố cho roh tơtro vâ mâu kong têa môi tiah Việt Nam thăm mơnhông cheăng kâ.

Tung mâu tơdroăng châ tơ-[rê mê, Ngế pro xiâm hnê ngăn tơnêi têa tối rơdêi troh hnoăng cheăng ki kal dêi Hngêi arak liăn tơnêi têa [a\ hngêi arak liăn Việt Nam. Xuân a hneăng hôp mơgêi kố, pôa Nguyễn Xuân Phúc kheăn kơdeăn Hngêi arak liăn kum rêh ối pơlê pơla Việt Nam hiăng ai mơ-eăm hên tung tơdroăng xăm kơklêa kơdroh kơtiê.

A Sa Ly tơplôu [a\ tơbleăng