VOV4.Sêdang - Kơxo lơ 28/6, a kong têa Nhuk, pôa Nguyễn Xuân Phúc, Ngế pro xiâm hnê ngăn tơnêi têa hiăng trâm, pêi cheăng [a\ khu kăn pơkuâ mâu khu tê mơdró kơmăi kơmok ối má môi kong têa Nhuk môi tiah Hatachi, Toshiba, Mazda Motor, [a\ hía hé.

Pôa Nguyễn Xuân Phúc, Ngế pro xiâm hnê ngăn trâm khu mơdró kâ ki kân ‘na kơmăi dêi Nhuk

Ngế pro xiâm hnê ngăn tơnêi têa tối ăm ‘nâi, Chin phuh Việt Nam mơhnhôk mâu khu tê mơdró Nhuk, tung mê, ai mâu khu tê mơdró tung kơvâ kơmăi kơmok mơ’no liăn cheăng hên tâ a Việt Nam. Chin phuh Việt Nam tơkêa kring vế hnoăng ki pơxúa mâu khu mơ’no liăn cheăng tung tê mơdró a Việt Nam.

A roh trâm mâ, mâu grup pơkuâ kơmăi kơmok kong têa Nhuk mơhno tơdroăng pói vâ châ po rơdâ mơ’no liăn cheăng, mơjiâng pro tơmeăm tê mơdró a Việt Nam [a\ ngăn Việt Nam cho môi tung tíu vâ mơnhông mơdêk mâu kơvâ kơmăi kơmok dêi tơná.

Mâu khu tê mơdró kong têa Nhuk pói vâ Việt Nam tơmâng hên tâ mê nếo troh kơvâ hnê mơjiâng, ai mâu ngế pêi cheăng kơmăi kơmok vâ tơniăn tu\m mơngế pêi cheăng tơniăn ăm mơnhông mơdêk cheăng kâ - rêh ối pơlê pơla tung la ngiâ.

A Sa Ly tơplôu [ă tơbleăng