VOV4.Sêdang - Kơxê lơ 12 khế 1, pôa Trịnh Đình Dũng, Ngế pro xiâm pho\ hnê ngăn tơnêi têa rơtế [ă khu kăn hiăng lăm pôu, pêi cheăng a Hngêi kơmăi Alumin Nhân Cơ, kong pơlê Dak Nông, lăm pôu ngăn hngêi kơmăi tung roh apoăng mot hơnăm nếo 2017, hbrâ vâ koh tơdah Têt Lo hơnăm nếo Đinh Dậu, Ngế pro xiâm pho\ hnê ngăn hiăng séa mơnhên ngăn tơdroăng ki kơdo mơ-eăm dêi Grup chiâ xo kế tơmeăm tung kơdâm tơnêi Việt Nam kal tơku\m ‘no liăn mơjiâng pro trếo Alumin Nhân Cơ.

Pôa Trịnh Đình Dũng, Ngế pro xiâm pho\ hnê ngăn pêi cheăng a hngêi kơmăi Alumin Nhân Cơ

Tung la ngiâ, Grup pơkuâ ngăn ‘na chiâ xo kơchâ athế ‘nâi tơtro\ng tơdroăng ki rak tơniăn tung pêi cheăng, chiâ xo [ă xúa, tí tăng to\ng kum rak tơniăn ‘na hyôh kong prâi, ôh tá ăm ai tơdroăng ki ti tơniăn tung tơdroăng cheăng, pro tơdjâk troh tơmeăm khoăng tung kơdâm tơnêi, lơ pro ‘mêi ăm ivá dêi kuăn pơlê. Pôa Trịnh Đình Dũng tối rơdêi:

‘’Pâ thế Grup pơkuâ cheăng kal athế thăm mơnhông mơdêk hnoăng cheăng pơkuâ ngăn, tung mê, kal athế ai khu ki pơkuâ ngăn tơtro la xuân athế pêi rơkê păng ‘nâng vâ kơdroh tơdroăng ‘no liăn, mơnhông ki châ tơ-[rê tung mơjiâng pro kế tơmeăm. Á xuân pâ thế Grup pơkuâ ngăn tơdroăng cheăng kal athế to\ng kum, ngăn khât troh rêh ối dêi kuăn pơlê ki pêi cheăng, tơdrêng amê cho hnoăng cheăng dêi kong pơlê, tơring tung veăng to\ng kum ăm kuăn pơlê, malối [ă mâu rơpo\ng kơtiê, rơpo\ng ai hnoăng vâ kuăn pơlê châ ai tơdroăng rêh ối phâi tơtô luâ tâ hdrối, drêng pin ai ‘no liăn mơjiâng pro hngêi kơmăi a kong pơlê kố’’.

Nhat Lisa tơplôu [ă tơbleăng