VOV4.Sêdang - Ko\ng ti On tơhrik Dak Lak dế hbrâ rơnáu tối tơbleăng troăng hơlâ vâ rak tơniăn ‘no on tơhrik ăm rôh tơ’noăng râ má pái phôh thong tơnêi têa hơnăm 2019.

Mâu tíu cheăng kơvâ on tơhrik hiăng séa ngăn troăng kơxái [ă tíu krâ ‘măn kơmăi mơdêk ivá, pơkâ tơleăng mâu tíu ki ôh tá tơniăn tung troăng kơxái on tơhrik ki mơni kô trâm tơdroăng ôh tá mơhúa, trâ văng mâu troăng, teăng ăm mâu kế tơmeăm ki ôh tá tơniăn, pơkâ tơleăng mâu tíu ki ‘mêi, rak tơniăn troăng kơxái on tơhrik [ă mơ’no on tơhrik tơniăn.

On tơhrik Dak Lak rak tơniăn ‘no on tung mâu hâi po tơ’noăng  

Ko\ng ti On tơhrik hiăng hbrâ pêi cheăng [ă Khu ngăn hnê hriâm [ă hnê mơjiâng tơdroăng rơkê, mâu Ho#i đong po tơ’noăng a kong pơlê, mơnhên tối tơdroăng ki rơhêng vâ on tơhrik, mơjiâng túa pơkâ kơjo ‘no on tơhrik ăm 32 tíu tơ’noăng. Krê tíu ki mơ’no ko [ai tơ’noăng [ă in ko [ai tơ’noăng, mâu tíu cheăng hiăng pro túa pơkâ ‘no on tơhrik, xoăng kơmăi mơ’no hbrâ tơdrêng vâ rak tơniăn ‘no on tơhrik plâ hâi plâ măng.

Tung pơla po rôh tơ’noăng, mâu tíu cheăng pơtê tâi tâng mâu hnoăng cheăng ngăn on tơhrik, tơdrêng amê hnối mơdêk ’no mâu khu ki pơkâ tơleăng tâng trâm tơdroăng ki ôh tá mơhúa, ‘mâi rơnêu on tơhrik, hbrâ rơnáu tu\m kế tơmeăm, rơxế, hơ’lêh túa pơkâ ‘no hbrâ rơnáu hdrối, re\ng mơ’no on tơhrik ăm mâu tíu tơ’noăng tâng lơ trâm tơdroăng ki pâ on tơhrik.

Kataringa Nga tơplôu [ă tơbleăng