Hneăng hôp mơnhên, Tơdroăng ‘’Rêm cheăm môi tơmeăm’’ OCOP ƀă Tơdroăng ôm hyô thôn pơlê hiăng chiâng ivá mơdêk ki kal kum ‘’mơdriu’’ tơmeăm ki ai hlâu khôi túa lĕm tro, kong kế, kuăn mơngế a mâu kơpong pơlê xiâm. Pơtối mê, tơdroăng hiăng pơhlêh ó rơdêi tung pêt mơjiâng tơmeăm pêi lo ing chiâk deăng, ing troăng pêi kŭn iâ êt tơprâ tơprŭng troh tơdjêp ki kơnâ; mơjiâng chiâng kơpong pêt tơmeăm tơniăn, mơdêk pơxiâm tăng cheăng pêi, mơnhông kơvâ thôn pơlê, po roh tơ’lêi tăng cheăng pêi ăm kuăn pơlê hdroâng kuăn ngo ƀă vâi kơdrâi thôn pơlê.

Nôkố lâp tơnêi têa ai lối 17.300 tơmeăm OCOP, lối 600 troăng pêi ôm hyô pêi chiâk deăng rơtế vâ chê 400 tíu ôm hyô thôn pơlê châ mơnhên. A Hneăng hôp, mâu kăn teăng mâ mơnhên: Hdrối pơkâ nếo ‘na mơnhông cheăng kâ krúa lĕm, pơhlêh xúa kŏng ngê̆, kơdroh mơ’no trếo ‘mêi lo pakong ƀă kâi trâng ƀă kong prâi hơ’lêh, kal ai mâu troăng prôk ki châ tơƀrê, châ achê nếo tâ tung mơnhông OCOP ƀă ôm hyô thôn pơlê.

Tơdroăng OCOP ƀă ôm hyô thôn pơlê hneăng hơnăm 2026 – 2030 châ pói tơngah chiâng troăng prôk ki châ tơƀrê tung pơhlêh cheăng kâ thôn pơlê, gum mơdêk pêi lo liăn, pơhlêh tơdroăng rêh ối kuăn pơlê, tơdrêng amê rak khôi túa lĕm tro ƀă kong kế pơlê xiâm Việt Nam.