Hiăng ai tơ’nôm 14 tơmeăm châ mơnhên châ plah 4 hơlŏng, mơdêk tâi tâng kơxô̆ tơmeăm OCOP dêi Dak Lak tâk kơxô̆ 254. 14 tơmeăm châ plah 4 hơlŏng râ kong pơlê, mê cho: Socola châ macca, Tơpoăng cacao ôh tá ai hơ’lâk tơmeăm ki ê dêi kŏng ti Nam Trường Sơn (tơring Krông Ana); tơmeăm pơ’leăng macca rơheăng tơđôu, pơ’leăng  macca, pơ’leăng macca sầu riêng, sầu riêng têng khăng dêi kŏng ti Macca Dak Lak (Pơlê kong krâm Ƀuôn Hồ); mâu tơmeăm yến chưng dêi kŏng ti Thành Dung (tơring Krông Păč) ƀă tơmeăm plâi sầu riêng DONA tâ tung kơtuh hngíu dêi Khu tơrŭm pêi chiâk deăng krúa lĕm Krông Păč.

Vi ƀan kong pơlê Dak Lak tối ăm ‘nâi, tơdroăng OCOP dế rế hía rế mơhnhôk hên kuăn pơlê pêi chiâk deăng, khu tê mơdró, khu tơrŭm cheăng veăng, mơjiâng ivá ăm cheăng kâ kơpong pêi chiâk deăng thôn pơlê mơnhông rơdêi, kum mơdêk ki kơnâ tơmeăm kơpong, mơdêk pêi lo liăn ăm kuăn pơlê pêi chiâk deăng.