Rôh khía jâ kơdo pêi a kơxê măng lơ 6/7 hiăng pro lối hrĭng to xiâm loăng plâi ki hiăng vâ mot tung rơnó krí a tơring Čư̆ Mgar, kong pơlê Dak Lak tro tơđôu kơtong, lŭp lối rơtal liăn. Hên kuăn pơlê chiâng lŭp liăn ngân, tơmeăm khoăng.

Klêi kơ’nâi rôh khía jâ kơdo pêi, kuăn pơlê bu ‘nâi gô̆m ‘măn dêi sầu riêng ki ối kơbâng chôu môi tíu, chôu hvât lôi. Ƀă kơxô̆ plâi sầu rêng ki hiăng tum tơklêh klâ ‘măn môi tíu vâ tê ăm khu ki roê dâng 10 rơpâu liăn môi kg. Ƀơrô ngăn Chiâk deăng ƀă Mơnhông thôn pơlê tơring Čư̆ Mgar hiăng tơrŭm ƀă kăn pơkuâ mâu cheăm tung tơring vâ ‘nâi nhên, riân ngăn ki tro lŭp ƀă rĕng ai troăng tŏng kum ăm kuăn pơlê ‘mêng rơnêu mâu loăng dế vâ kơtong, vâ rak ngăn plâi ki ối a xiâm loăng.