Lối 150 Khu pêi cheăng tơrŭm tung ƀă pá kong dêi kong pơlê Dak Lak veăng pêi pro mâu tơdroăng ki ai păng ‘nâng, mâu tơdroăng ki tơ’lêi hlâu ƀă trâm pơloăng mơnúa, ki ối ‘ro tung mâu tơdroăng pêi chiâk deăng, pêi cheăng kâ, tê mơdró chal nếo nôkố, môi tiah: kế tơmeăm to kơnâ, mâu tơmeăm, môi tiah xơmong, meăm, hmốu, gât ki rôe ing tíu ê pơtối to kơnâ, la mâu tơmeăm ki mê vâ mơ’no tê tơngi kong têa vâi ê dế trâm pá puih.

Xua ti mê, vâ khoh châ mơ’no tê dêi tơmeăm ki mê tơxâng ƀă tơdroăng pơkâ pói vâ dêi hngêi kơchơ, pakĭng tơdroăng ki trâm pá ƀă tơniăn ‘na kế tơmeăm khoăng dêi kế tơmeăm, mâu Khu ngăn ‘na tơrŭm cheăng kal athế hơ’lêh nếo tuăn hiâm, mơno cheăng chiâk deăng vâ chiâng tơdroăng ki tê mơdró.