Pơtối mê, tung 3 khế sap ing khế 4 troh khế 6, ƀă ing khế 7 troh khế 9, khu râ kăn séa ngăn dêi Khu ngăn ‘na Chiâk deăng ƀă Mơnhông mơdêk thôn pơlê kong pơlê Dak Lak kô pêi pro séa ngăn ôh tá tối hdrối a tíu pêi cheăng ƀă séa ngăn i nhên mâu kơpong pêt, tíu kơxuô gum tung tê ngi kong têa ê a tíu pêi cheăng ƀă séa ngăn i nhên mâu kơpong pêt, tíu kơxuô kum tê ngi kong têa ê châ ăm, kĭ mah kơxô̆; tíu pêt mơjiâng, tê mơdró tơmeăm ing plâi sầu riêng ối tung kơpong pơkuâ Tơnêi têa tung kong pơlê.

Khu ki séa ngăn cho mâu khu tơrŭm, ngế krê châ mơnhên cho ngế ai mah kơxô̆ mâu kơpong pêt plâi sầu riêng. Troh nôkố, Kơ koan xiâm pơkuâ ‘na xo hnoăng mơhá tê tơmeăm ngi kong têa ê Sinuâ hiăng ăm 68 mah kơxô̆ kơpong pêt ƀă tâi tâng ƀăng deăng lối 2.500 hectar ƀă ăm mah kơxuô ăm 23 tíu kơxuô a kong pơlê Dak Lak. Tiô Khu pơkuâ ‘na pêi chiâk deăng ƀă mơnhông thôn pơlê kong pơlê, tơdroăng séa ngăn kố kô kum mơdêk hnoăng dêi rêm pâ tung mơjiâng kơvâ pêt plâi sầu riêng krá tơniăn.