Pơtối mê, 9 khế hiăng hluâ, pêi lo liăn ngân a Dak Lak châ 6.200 rơtal liăn, châ 90% tinh hdrối Tơnêi têa pơcháu, diâp ăm lối 12% tâng pơchông ƀă roh kố hơnăm 2023. Krê kơxô̆ xo hnoăng mơhá ƀă liăn ngân xua Kơvâ hnoăng mơhá pêi pro châ 94% tinh hdrối châ pơcháu. Mâu kơxô̆ liăn xo hnoăng tâk hên tâng pơchông ƀă roh kố hơnăm nah môi tiah: liăn xo hnoăng mơhá tơnêi, hnoăng mơhá rak vế kong prâi, xo ing kơpong pakong tơnêi têa mơdró, ing khu tê mơdró ai kơxô̆ liăn mơ’no cheăng ing kong têa ê.

Pôa Phạm Thanh Long, Kăn phŏ pơkuâ Kơ koan xiâm xo hnoăng mơhá kong pơlê Dak Lak tối ăm ‘nâi, vâ châ tơƀrê kố, tíu cheăng hiăng pêi pro tơdâng tơ’mô, kơtăng mâu troăng pơkuâ kơxô̆ liăn châ xo, mơdât ki tro lup xo hnoăng mơhá, mơhnhôk xo tơvêh kơxô̆ liăn ối chê̆n. Tơdrêng amê ai hên troăng pơtâng tối troăng hơlâ, luât hnoăng mơhá nếo; xúa kŏng ngê̆ thông tin, mơdêk pêi pro pơhlêh pơkuâ liăn ngân, pơhlêh pêi cheăng xúa kŏng ngê̆./.