Kơphế cho loăng plâi ki pêt hên a kong pơlê Dak Nông. Nôkố lâp tung kong pơlê ai lối 142.000 ha kơphế, châ xo plâi gá lối 360.000 tâ̆n, ối má 3 tung lâp tơnêi têa. Tung mâu hơnăm hdrối kố nah, hên khu mơdró, khu pêi cheăng tơrŭm, tôh pêi cheăng tơrŭm ƀă kuăn pơlê ki pêi chiâk a Dak Nông hiăng tơmâng khât tung tơdroăng ‘no liăn, xúa khoa hok kih thuât tung pêi chiâk, mê kơphế pêi rế lĕm.

Kong pơlê hiăng ai lối 23.000 ha kơphế ai tiô pơkâ mơnhên dêi tơnêi têa ƀă lâp plâi tơnêi, ƀă hên túa pêi cheăng pêi lo kơphế krá tơniăn ton tiô tơdroăng pơkâ ki pơxúa. Malối, 2 hơnăm achê kố, Dak Nông hiăng mơjiâng 54 tôh mơhnhôk cheăng tung kuăn pơlê, pêi tro tơdroăng hnê, veăng gum kuăn pơlê, Khu pêi cheăng tơrŭm xúa pơkâ pêi tơniăn tro tiô pơkâ pêi krúa lĕm kê kâ.