Kuăn pơlê Lâm Đồng dế troh rơnó tơnăng xo ká nuk
Thứ hai, 11:00, 15/09/2025
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Kuăn pơlê Lâm Đồng dế troh rơnó tơnăng ká ton tâi khế 9 âm lĭt ƀă tung mâu hâi hdrối hên plong tuk tung kong pơlê ki tơnăng ká nuk hiăng châ xo hên ká kum kuăn pơlê ki ‘nâ châ xo hên.
Tung mâu hâi ki kố a rêm kơxo má a kơno tuk Phan Thiết, bêng Phan Thiết kong pơlê Lâm Đồng hơniâp ro hên plong tuk tơnăng ká a troh kơno tuk. Rêm hâi ai hên plong tuk tơnăng ká ƀă ki hên cho ká nul.
Ki kơnâ dêi ká mê ôh tá ‘nhó hên, yă tê rôe hên ka nuk a kơno bú sap 10-15 rơpâu liăn môi kg la tâng rôe hên, kuăn pơlê xuân ối châ pê lo liăn. Sap apoăng hơnăm troh nôkố, Kơno tuk Phan Thiết hiăng tơdah xo lối 15.000 tâ̆n ká xi xŏng a kơpong têa kơxĭ kơtăn kĭng sap 15-20 km troăng têa. Ká kô kum kuăn pơlê tê lo liăn vâ rôe tơmeăm xúa tung rơpŏng hngêi, ‘no liăn pêi cheăng kâ, tơ’nôm ki mơ-eăm rak tíu tơnăng ká tiah ki hmâ a têa kơxĭ.
Viết bình luận