Lâm Đồng nôkố ai 16.000 ha mắc ca, châ 34% tung tâi tâng ƀăng deăng mắc ca dêi lâp tơnêi têa, tiô tối hdrối hơnăm 2025 châ dâng 13.700 tâ̆n, châ liăn rơkâ sap ing 100 troh 300 rơtuh ha/hơăm tiô troăng ki pêt. Vâ mắc-ca chiâng môi tung mâu loăng plâi djâ pêi lo liăn châ hên ăm kong pơlê, Lâm Đồng dế pêi pro pơkâ kơpong pêt, djâ ƀăng deăng pêt plâi mắc ca lâp kong pơlê troh hơnăm 2030 tâk 37.000 ha, ƀă pêi lo châ 48.000 tâ̆n, tơdroăng ki uâ bro lối 90%.

Tiô pôa Nguyễn Hà Lộc, Phŏ Kăn pơkuâ ‘na Pêi chiâk deăng ƀă Kong prâi kong pơlê Lâm Đồng, rơtế ƀă mâu loăng plâi ki ê, mắc ca eăng môi tiah môi kơvâ ki mơnhông tơtêk dêi kong pơlê.

Vâ châ pơkâ kố, pakĭng mơdêk ki dâi lĕm loăng plâi, mơdêk tơdjêp pêt mơjiâng plâi măc ca tiô troăng, kong pơlê kô tơtrŏng mơnhông tiô troăng pêi chiâk deăng xúa kŏng ngê̆ ƀă xúa kŏng ngê̆ uâ bro trâu vâ mơdêk ki kơvâ kơvâ loăng plâi kố, tŏng gum kuăn pơlê pêt mơjiâng tiô troăng krá tơniăn.