Xông tơpui a pơxiâm po roh hôp, pôa Nguyễn Chí Dũng, Ngế xiâm Pơkâ túa cheăng ƀă Mơ’no liăn cheăng, Tôh trương Tôh Rah chêh tối ăm ‘nâi, tơdroăng mơjiâng mơ-éa chêh tơdroăng kal Tơbleăng Cheăng kâ - rêh ối pơlê pơla châ pêi pro thâ, kơtăng klêi kơ’nâi Hneăng hôp roh má 9 Khu xiâm pơkuâ Đảng.

Pêi pro hnê mơhno dêi Ngế pro xiâm hnê ngăn Chin phuh, Kăn pơkuâ Khu iâ mơngế hriăn plĕng cheăng kâ - rêh ối pơlê pơla, Tôh rah chêh hiăng tơkŭm po rah xo hnoăng inhên dêi mâu khu cheăng dêi tôh veăng mơjiâng tơbleăng tiô đê cương châ Hneăng hôp Tơnêi têa 9 tơbleăng ăm pêi pro. Mơ-éa chêh tơdroăng kal tơbleăng dế châ mơjiâng, kêi đeăng chôa ‘lâng, ai tơdroăng ki pơchông, ngăn tiô mâu mơ-éa chêh hdrối tơdroăng kal dêi tơbleăng kal kí vâ tơ’nôm teăm tơdrêng mâu tơdroăng xiâm, tơniăn môi tuăn sap apoăng troh tá tui lui.