Hơnăm 2025, mơhé chiu tơdjâk ôh tá dâi lĕm dêi hyôh kong prâi ƀă mâu pơhlêh tung khu pêi cheăng tơnêi têa klêi kơ’nâi pêi pro khu pêi cheăng péa râ, pêt mơjiâng tơmeăm pêi lo ing chiâk deăng lâp kơpong rak ki tơtêk tơniăn. 9 khế dêi hơnăm 2025, pêi lo liăn tê ngi kong têa ê kơphế châ vâ chê 7 rơtal dolars, kơchâi drêh plâi pôm lối 6 rơtal dollars, plâi hôt lối 3 rơtal dollars.

Ki nhên khât kăn ƀô̆ pêi chiâk deăng râ cheăm, hên cheăm pâ thế Khu pơkuâ ‘na pêi chiâk deăng ƀă kong prâi pơtối tŏng gum hnê mơjiâng, hnê mơhno tơdroăng cheăng; rĕng kêi đeăng hnê mơhno mâu mơ-éa cheăng kâ rêh ối ƀă tơnêi têa xing xoăng râ klêi kơ’nâi tơmot chiâng môi. Pôa Hoàng Trung, Phŏ Ngế xiâm Khu xiâm ngăn  ‘na Chiâk deăng ƀă Hyôh kong prâi mơnhên mâu rơkong tơpui a hneăng hôp, tối tah lôi mâu tơdroăng hiăng tối cho pơkâ thâ vâ tơniăn mâu tơdroăng ki rơdêi pêi chiâk deăng a Tây Nguyên – Nam Trung Bộ châ mơnhông.