Pêt tơvât sầu riêng, mắc ca tung kơdrum kơphế pêi lo liăn hên
Thứ tư, 10:35, 24/09/2025
Tơplôu: A Sa Ly/VOV
Tơplôu: A Sa Ly/VOV
VOV4.Xơ Đăng – Viê̆n Khoa hok Kih thuât Pêi chiâk deăng - Pêt kong Tây Nguyên nếo tối tơdroăng cheăng ‘’Pêt tơvât plâi sầu riêng ƀă mắc ca tung kơdrum kơphế: Pơxúa, pơloăng mơnúa ƀă troăng pêi kŏng ngê̆’’.
Châ tơƀrê tơdroăng hriăn plĕng ăm hlo, troăng pêi pêt tơvât kơphế ƀă plâi sầu riêng a Dak Lak djâ châ liăn rơkâ dâng 800 rơtuh liăn/ha, pêt tơvât mắc ca châ vâ chê 400 rơtuh liăn/ha, hên tâ châ hên xôh tâng pơchông ƀă pêt to kơphế dâng 80 rơtuh liăn/ha. Laga, troăng pêi xuân trâm ƀă tơdroăng tơbriât kâ trếo kơhiâm, têa ƀă tâ tú ôa hdrong pơreăng.
A roh tối, Kơ koan xiâm tơbleăng klŏng tôh têa Israel kơdĭng têa, pro tơnêi chiâng pơkuâ trếo kơhiâm, xúa mah QR ti tăng xiâm kối ƀă kơmăi tôu mơnhên ki tum plâi sầu riêng, vâ châ tơƀrê păng ‘nâng ƀă kơdroh tro lŭp tung pêt mơjiâng tơmeăm.
Viết bình luận