Pôa Trần Hồng Hà, Ngế pro xiâm phŏ hnê ngăn tơnêi têa tơdah Kăn hnê ngăn xuân cho kăn pơkuâ Grup pơkuâ Sumitom
Thứ tư, 09:42, 09/10/2024
Tơplôu: A Sa Ly/VOV
Tơplôu: A Sa Ly/VOV
VOV4.Xơ Đăng - Kơxo lơ 9/10, a Tíu pêi cheăng Chin phuh, pôa Trần Hồng Hà, Ngế pro xiâm phŏ hnê ngăn tơnêi têa tơdah pôa Shingo Ueno, Kăn hnê ngăn hlối cho Kăn pơkuâ Grup pơkuâ Sumitomo (kong têa Nhuk).
Pôa Trần Hồng Hà, Ngế pro xiâm phŏ hnê ngăn tơnêi têa mơnhên: tơrŭm cheăng ton xŏn tâi tâng pơla Việt Nam ƀă Nhuk rế hía rế mơnhông, cho xiâm kối ki kal vâ tơrŭm cheăng kâ péa tơnêi têa châ tơƀrê kân, tâi tâng. Việt Nam đi đo koh tơdah ƀă kheăn kơdeăn mâu tơdroăng pêi cheăng dêi mâu khu tê mơdró kong têa Nhuk, gum pêi pro mâu tơdroăng môi tuăn tơrŭm cheăng pơla péa tơnêi têa.
A roh tơdah, pôa Trần Hồng Hà, Ngế pro xiâm phŏ hnê ngăn tơnêi têa hiăng tơpui ‘na tơdroăng pơkâ dêi Sumitomo mơ’no liăn pro hngêi kơmăi on tơhrik tuabin hyôh LNG Vân Phong 2; troăng tơleăng pá puât, tơvâ tơvân vâ rĕng tơbleăng Metro kơxô̆ 1 (Bến Thành – Suối Tiên) a pơlê kong kân Hồ Chí Minh tung pêi cheăng, xúa.
Viết bình luận