Ƀă inâi “Tơmâng kuăn pơlê pêi chiâk tơpui” Rôh hôp Kuăn pơlê pêi chiâk Tơnêi têa rôh má 9 hơnăm 2024 rơtế ƀă dêi rơpó tơpui, mơ’no, pâ thế ‘na mâu tơdroăng ki kuăn pơlê pêi chiâk, khu pêi cheăng tơrŭm tơmâng ngăn má môi nôkố môi tiah: ‘mâi mơnhông pêi chiâk deăng dêi kuăn pơlê pêi chiâk klêi kơ’nâi khía mơhot kân rôh má 3, malối cho tŏng gum ‘na hdrê pêt, kuăn mơnăn păn, pơkeăng xôh kơdê oâ hdrong, troăng tŏng gum ƀaoh hiêm pêi chiâk deăng; hdró chĕn, hrá mơdrếo chĕn hngêi rak liăn ƀă ăm mung liăn pêi cheăng kơjo vâ kuăn pơlê rĕng ‘mâi mơnhông cheăng kâ.

Tơpui a rôh hôp, pôa Lê Minh Hoan, ngế xiâm ngăn Chiâk deăng ƀă Mơnhông thôn pơlê ăm ‘nâi, tâng trâm pá tung pơla pêi kâ, kuăn pơlê chiâng vâ nhăn tin ăm Ngế xiâm ngăn chiâk deăng ƀă Ngế xiâm ngăn chiâk deăng kô pơtroh tơdrêng hlối mâu tin nhăn dêi kuăn pơlê pêi chiâk pơtroh ăm kăn pơkuâ kong pơlê vâ teăm hnê mơhno, tŏng mâu xơpá, tơvâ tơvân.