Leh tơbleăng kô tơkŭm po sap ing hâi lơ 31/8 troh lơ 2/9, ai 12 tơdroăng pêi cheăng ki xiâm. Ƀă tơdroăng ki hbrâ, thâ dêi mâu tíu cheăng ki tơdjâk, troh nôkố, mâu tơdroăng ăm leh tơbleăng tơkŭm po tro tơdroăng pêi cheăng. Môi tung mâu tơdroăng ki xiâm cho Leh pơxiâm po (a kơmăng lơ 31/8) xuân dế thâ kêi đeăng mâu tơdroăng ki má mơ’nui.

Klêi hbrâ tơdroăng po leh tơbleăng cho tơdroăng ngê̆ thuât ƀă tơdroăng ki veăng mơđah tơbleăng dêi lối 400 ngê̆ sih. Ing mơđah tơbleăng a tíu mơđah tơbleăng ƀă tiô rơxông nếo kô tơbleăng pơtâng hnê tối ‘na kơpong tơnêi Krông Păč ai hên tơmeăm ki mơnhông. Tung Leh tơbleăng Plâi sầu riêng Krông Păč roh kố, hên tơdroăng ki châ tâ châ hlo ăm kuăn pơlê ƀă tơmối châ po rơdâ ‘na tơdroăng tơkŭm po môi tiah: Leh tơbleăng troăng kơphô̆, tơ’noăng kơtâu xua ivá pơlê pơla, hâi leh khôi túa lĕm tro kơchâi kâ mâu hdroâng kuăn ngo...

Tung mê, tơdroăng mơđah tơbleăng nhak têa ngê̆ thuât châ hên ngế pói tơngah, ƀă ton 60 phut rêm măng; rế mơđah tơbleăng âm nhak hlối mơ’no têa pro hiê̆u ư̆ng ki chuât, um hên mơngiơk.