Kố cho tơdroăng a roh hôp tiah hmâ dêi Vi ƀan kuăn pơlê kong pơlê Dak Lak tơkŭm po kơxo lơ 16 khế 7. Mơhé châ mâu tơdroăng châ tơƀrê hôm, laga kơlo tơtêk cheăng kâ dêi Dak Lak tung 6 khế apoăng hơnăm tá hâi tiô tơdroăng pơkâ mơ’no, xo hnoăng liăn xúa tơnêi châ iâ, tơdjâk troh tơdroăng po rơdâ pêi pro mâu tơdroăng tơkêa bro mơ’no liăn cheăng tơnêi têa ƀă liăn ngân kong pơlê.

Tơdroăng pêt mơjiâng tơmeăm tê mơdró dêi khu tê mơdró xuân ối trâm hên pá puât, kơxô̆ khu tê mơdró pơtê tâi tâng tơdroăng cheăng ƀă pơtê pơtân tơdroăng cheăng tâk hên tâng pơchông ƀă roh kố hơnăm 2023. Pôa Nguyễn Tuấn Hà, Kăn phŏ hnê mơhno má môi Vi ƀan kuăn pơlê kong pơlê Dak Lak tối, tung 6 khế mơ’nui hơnăm, kong pơlê mơnhên kô trâm hên pá puât drêng tâi tâng khu tê mơdró vêh tơniăn hrá; kong prâi pro ôh tá tơniăn, pơreăng xông tâ tú ôh tá ‘nâi tối hdrối pơkâ mâu khu râ mâu kơvâ cheăng thế mơ-eăm pêi pro nếo châ mâu pơkâ cheăng kâ – rêh ối pơlê pơla dêi plâ hơnăm 2024.