Tung tâi tâng 624 tíu mơ’no têa tơdjuôm a kơpong tung thôn dêi kong pơlê Lâm Đồng nôkố bu ai 285 tíu mơ’no têa ối chianag xúa ƀă xúa hlo tơƀrê, lối 40 tíu mơ’no têa tơdjuôm ôh tá ngăn krâu, vâ chê 300 tía mơ’no têa tơdjuôm hiăng pơtê loi. Ti lâi chiâng ai tiah mê, tơdế tíu mơ’no têa tơdjuôm  dêi kong pơlê kố pêi cheăng ôh tá rơhéa, pơtê xúa cho xua tơdroăng rak ngăn ôh tá kơhnâ ôh tá krâu.

Tiô pôa Lê Trọng Yên, Phŏ kăn hnê ngăn Vi ƀan kong pơlê Lâm Đồng tối, vâ mâu tíu mơ’no têa tơdjuôm a kơpong tung thôn pơtối rak xúa tơƀrê, pakŭng pơtối ‘mâi rơnêu pro  ngăn đi đo ƀă tiô rơnó, mâu kăn mâu cheăm thế mơjiâng túa rak ngăn ki tro khât