VOV4.Sêdang - Kơxo lơ 24/10, a Quảng Ninh,  pôa Lê Văn Thành, Ngế pro xiâm phŏ hnê ngăn tơnêi têa rơtế ƀă mâu Grup pơkuâ cheăng kơmăi kơmok pro kơchâ- tơmeăm khoăng pá kơdâm tơnêi dêi Việt Nam ‘na tơdroăng pêi pro tê mơdró, tơdroăng rêh ối dêi kŏng nhân ƀă mơngế pêi cheăng dêi grup. Grup ngăn kơmăi kơmok pro kơchâ- tơmeăm khoăng tung kơdâm tơnêi Việt Nam pêi pro tê mơdró kơpêng 4 tơdroăng mê cho: Pêi pro kơchâ, pro on tơhrik, pro tơmeăm khoăng meăm, pro tơmeăm chiâng pơtôu dêi hngêi kơmăi ƀă kơxô̆ liăn châ xo rêm hơnăm lối 130 rơpâu rơtal liăn. Hlo pơreăng Covid-19 tâ tú rơ iô la grup hiăng tơkŭm pêi tro mâu tơdroăng pơkâ tơpéa tơdroăng, kơxô̆ liăn châ xo dêi grup mê troh nôkố tâng riên châ lối 96 rơpâu rơtal liăn; tơniăn pêi cheăng ƀă kơxô̆ liăn pê lo dêi 95 rơpâu ngế pêi cheăng. Tơpui a hâi pêi cheăng, pôa Lê Văn Thành tối tiah kố, grup  thế trâm pá hên tơdroăng  kal châ tơkâ luâ tung la ngiâ môi tiah: tơdroăng tí tăng chiâ xo meăm, mâu tơdroăng tơ tơkêa bro ‘no liăn cheăng ối hrá tâng vâ pơchông ƀă tơdroăng pơkâ; Tơdroăng cheăng xuân ối ai ki pro tơ’lêi xía vâ. Ing mê, Ngế pro xiâm phŏ hnê ngăn tơnêi têa pâ thế, kơvâ pro kơchâ pơtối mơdêk ‘mâi mơnhông cheăng dêi Grup, mơdêk ki tơ-ƀrê, tơbriêt cheăng dêi tơrêm tíu pêi cheăng.

Gương tơplôu ƀă tơbleăng