VOV4.Sêdang - Kơxê lơ 21/12, a tíu pêi cheăng dêi Chin phuh, pôa Nguyễn Xuân Phúc, Ngế pro xiâm hnê ngăn Chin phuh pơkuâ po rôh hôp dêi pơkuâ ngăn Chin phuh ‘na vaccine Covid-19. Pôa Nguyễn Xuân Phúc pơkâ thế sap ing nôkố troh tâi Têt khôi hmâ Tân Sửu lâp tơnêi têa kal tơku\m hbrâ mơdât pơreăng Covid-19 tiô túa ki pôu râng hnoăng cheăng tung pơla pin tá hâi ai pơkeăng vaccine. Ki hdrối tâ pêi pro tro tơdroăng ki truâ kên pâng rơkong môh tơ-[rê 5K xua Khu xiâm ngăn pơkeăng [ă khăm pơlât pơkâ mơ’no.

Malối cho athế séa ngăn kơtăng tíu tơkăng kong [ă hiâm mơno mơdêk tơdroăng ki hbrâ kơchăng vâ pôi tá ai ngế ki lâi châ mot tung tơnêi têa pin. Malối, pôi tá ăm ai tơdroăng ki mâu ngế pro xôi luât ki pơkâ thế ối krê môi tiah a Việt Nam Airline. Ngế pro xiâm hnê ngăn tơnêi têa pơkâ thế mâu kong kong pơlê, malối cho mâu pơlê kong kân athế ai tơdroăng ki séa ngăn kơtăng tung hbrâ mơdât pơreăng Covid-19.

{ă tơdroăng ki mơjiâng pro vaccine tung tơnêi têa, pôa Nguyễn Xuân Phúc pơkâ thế kal mơhnhôk, to\ng kum mâu tíu cheăng tung tơnêi hriăn ngăn tối tơbleăng tung hiâm mơno pro tơ’lêi hlâu má môi.

Katarina Nga tơplôu [ă tơbleăng