VOV4.Sêdang - Hâi lơ 15/10, a Hà Nội hiăng po leh tơbâ 91 hơnăm hâi mơjiâng khu vâi kơdrâi Việt Nam lơ 20/10 ƀă mơhá pri vâi kơdrâi  Việt Nam. Veăng hôp tối tơbeăng a hâi leh, pôa Phạm Bình Minh, Ngế pro xiâm phŏ hnê ngăn tơnêi têa rơkâu mâu khu pú hên, mâu ngế châ kâ pri Vâi kơdrâi Việt Nam.  Tối púi vâ tung la ngiâ mâu khu pú hên, mâu ngế châ kâ pri pơtối mơ-eăm tâ nếo tơdroăng hâk vâ, púi vâ hriĕn plĕng ki nếo, pơ’lêh nếo, pêi lo mâu tơmeăm pơxá inâi Việt Nam troh mâu kong têa tung lâp plâi tơnêi. 

Pôa Phạm Bình Minh, Ngế pro xiâm phŏ hnê ngăn tơnêi têa veăng leh mơhá pri ăm vâi kơdâi Việt Nam

Pôa Phạm Bình Minh pâ thế mâu khu xiâm, kơvâ cheăng, mâu kong pơlê tơmâng khât, pêi tro tâ nếo mâu luât pơkâ ƀă tơdroăng mơnhông mơdêk dêi vâi kơdrâi tối tơchoâm ƀă vâi kơdrâi pơxiâm pêi cheăng tối krê. Rêm râ Khu pơtối hriăn plĕng, po rơdâ tơrŭm, hbrâ rơnáu hdrối tung tơrŭm ƀă mâu khu xiâm kơvâ cheăng, mâu khu mơdó vâ tơbleăng pêi tơ-ƀrê tơdroăng tơkêa pro “Kum vâi kơdrâi pơxiâm pêi cheăng”. Vâ rế ton rế ai hên khu pú hên, vâi kơdrâi  pơxiâm pêi cheăng tơ-ƀrê.

Gương tơplôu ƀă tơbleăng