VOV4.Sêdang - Kơxo lơ 13/10 , pôa Phạm Minh Chính, Ngế pro xiâm hnê ngăn Chin phuh hiăng trâm kuăn pơlê a Pơlê kong kân Cần Thơ tiô tơdroăng mơ’no tơdrêng, tro tiô tơdroăng hbrâ ăm roh hôp má péa, Kuô̆k hô̆i hneăng 15. Teăng mâ Chin phuh pa môi hdroh nếo Ngế pro xiâm hnê ngăn tơnêi têa khĕn kơdeăn tơdroăng pêi pro, ƀă mơ-eăm tơmâng dêi kuăn pơlê a Pơlê kong kân Cần Thơ tung hbrâ mơdât pơreăng COVID-19 ƀă pơtối rak vế, ‘mâi mơnhông cheăng kâ - rêh ối.

Pôa Phạm Minh Chính, Ngế pro xiâm hnê ngăn Chin phuh trâm kuăn pơlê a pơlê kong kân Cần Thơ

Cho ngế kăn Kuô̆k hô̆i dêi Pơlê kong kân Cần Thơ, Ngế pro xiâm hnê ngăn Chin phuh tối mâu tơdroăng kal, tơdroăng châ kuăn pơlê veăng tơmâng môi tiah hbrâ mơdât pơreăng COVID-19; tơdroăng mơnhông cheăng kâ -rêh ối 9 khế hơnăm 2021 dêi tơnêi têa tối tơchoâm ƀă dêi Pơlê kong kân Cần Thơ tối krê.

Ngế pro xiâm hnê ngăn Chin phuh púi vâ, ing tơdroăng tơrŭm môi tuăn, mơ-eăm ing ivá tơná, Cần Thơ hbrâ rơnáu tâ, pêi kơtăng tâ, rĕng ‘mâi mơnhông cheăng kâ, mơnhông mơdêk krá tơniăn tung cheăng kâ rêh ối.

Gương tơplôu ƀă tơbleăng