VOV4.Sêdang - Tơpui a rôh trâm mâ mâu khu mơdró kâ ki rơkê, kơhnâ drêng Hâi mơdró kâ Việt Nam lơ 13/10 po a kơxo lơ 12/10, Ngế pro xiâm hnê ngăn tơnêi têa pơtroh rơkong rơkâu troh mâu khu mơdró kâ, mâu khu mơdró kâ Việt Nam rế hía rế mơnhông rơdêi, pơtối veăng kum hên tâ nếotung tơdroăng ki mơjiâng tơnêi têa Việt Nam kro mơdrŏng ƀă rơhêng vâ mâu khu mơdró kâ pơtối rơtế prôk ƀă kuăn pơlê, mơ-eăm tơkâ luâ xơpá, ƀlêi trâng pơreăng ƀă ƀlêi trâng tung tơdroăng ki ‘mâi mơnhông, cheăng kâ rêh ối pơlê pơla, pơtối mơ-eăm pêi pro a môi tơdroăng ki khên tơnôu dêi khu mơdró kâ Việt Nam.

Ngế pro xiâm hnê ngăn tơnêi têa trâm mâ mâu khu mơdró kâ ki rơkê, kơhnâ

Pôa Phạm Minh Chính,Ngế pro xiâm hnê ngăn tơnêi têa môi hdrôh nếo tối nhên hnoăng cheăng ki kal dêi mâu khu mơdró kâ tung pơla mơnhông tơnêi têa. Đảng ƀă Tơnêi têa đi đo tơmâng ngăn ƀă mơnhên tối khât hnoăng cheăng dêi mâu khu mơdró kâ mâu pơlê pơlakhu mơdró kâ Việt Nam. Ngế pro xiâm hnê ngăn tơnêi têa rơhêng vâ tung la ngiâ ah mâu khu mơdró kâ pơtối rơtế ƀă Chin phuh tơkâ luâ hneăng ki xơpá kố vâ mơjiâng tơnêi têa Việt Nam mơnhông rơdêi, kro mơdrŏng.

Katarina Nga tơplôu ƀă tơbleăng